Atyraýda bir otbasynyń tórt múshesiniń ólimine qatysty atyshýly sot protsesi jalǵasyp jatyr. Kezekti otyrysta aiyptalýshy Sultan Sársemálievtiń tergeý kezinde bergen jaýaby túsirilgen beinejazba usynyldy, dep habarlaidy dalanews.kz.
Sotta kórsetilgen videoda Sársemáliev burynǵy qaiyn aǵasy, marqum Naýryz Muqanǵalievpen arada bolǵan janjalǵa qatysty óz nusqasyn baiandaǵan. Beinejazba 2026 jyldyń 9 naýryzynda túsirilgeni aityldy.
Aiyptalýshy tergeý tobyna bergen jaýabynda Naýryz Muqanǵaliev týraly pikir bildirip, onyń otbasylyq jaǵdaiyna da toqtalǵan.
"Naýryz boidaq edi. Onyń ústine psihikasy qalypty emes. Ashýly. Sosyn ǵoi úilenbei júrgeni. Endi durys adam bolsa, jasy 30-dan asty, úilenýi kerek qoi", – degen Sársemáliev beinejazbada.
Sot barysynda bul video aiyptalýshynyń qylmys mán-jaiyn qalai túsindirgenin kórsetý úshin usynyldy. Onda Sársemáliev marqum Naýryz Muqanǵalievpen janjaldyń qalai bastalǵanyn jáne oqiǵanyń qalai órbigenin baiandaǵan.
