Aýyl sharýashylyǵy – Uiǵyr aýdanynda negizgi salalarynyń biri. Eńbekqor sharýalardyń mańdai terimen ósirilgen ónimderdi elge tanytý, jergilikti kásipkerlerdi qoldaý jáne ulttyq taǵamdardy dáripteý maqsatynda Uiǵyr aýdany aýyl sharýashylyǵy kórmesin uiymdastyrdy,- dep habarlaidy Dalanews.kz
Bul kórme – tek ónimderdiń sapasyn kórsetý alańy ǵana emes, sondai-aq aýdandaǵy kásipkerler men sharýa qojalyqtarynyń eńbegin baǵalap, olardyń aýyl sharýashylyǵyna qosqan úlesin nasihattaýdyń tiimdi joly. Kórme aiasynda jergilikti sharýalardyń tabiǵi ári ekologiialyq taza ónimderi men ulttyq taǵamdardyń alýan túrimen tanystyryldy.
Kórmege aýdannyń kóptegen kásipkerleri men sharýashylyq ieleri qatysty. Olar taýyq eti, sút ónimderi, bal, jemis-jidek, qolóner buiymdary jáne basqa da ónim túrlerin usyndy.
Bul kelýshiler úshin aýyldyń naǵyz dámin sezinýge taptyrmas múmkindik boldy.
Sonymen qatar, ulttyq taǵamdar men dástúrli ónimderdiń keńinen usynylýy qazaq halqynyń bai mádenieti men ashanasyn nasihattap, urpaqtan-urpaqqa beriletin asyl murany saqtaýǵa úlken úles qosady. Osyndai igi bastamalar aýyl turǵyndarynyń ál-aýqatyn jaqsartýǵa jáne bolashaqta aýdannyń aýyl sharýashylyǵy áleýetin arttyrýǵa múmkindik beredi.
