Jer silkinisinen keıin almatylyqtarǵa osy qaýip týraly habarlaýǵa jaýapty kompanıa eks-prezıdent Nursultan Nazarbaevtyń jıeni Nurálı Álıevke tıesili TNS-INTEC JSHS ekeni týraly aqparat tarady.
Bul týraly "Ádildik joly" qoǵamdyq birlestiginiń (QB) atqarýshy dırektory Dıdar Smaǵulov málimdegen edi.
Kaztag.kz derekterine súıensek, dál osy JSHS Almaty oblysyndaǵy sel qaýpi monıtorıńiniń avtomattandyrylǵan júıesine de jaýap beretin bolyp shyqty.
"Tapsyrys berýshi - "Qazaqstan Respýblıkasy Tótenshe jaǵdaılar mınıstrligi Almaty qalasynyń Tótenshe jaǵdaılar departamenti" MM; sıpattama - Kishi jáne Úlken Almaty, Qarǵaly jáne Aqsaı ózenderiniń baseınderindegi sel qaýpi monıtorıńiniń avtomattandyrylǵan júıesine tehnıkalyq qyzmet kórsetý jónindegi qyzmetter; somasy - 46 317 000 teńge", - dep jazylǵan Memlekettik satyp alý saıtyndaǵy kelisimshartta.
Lot 2023 jylǵy mamyrda jarıalanǵan, jeńimpaz bolyp TNS-INTEC JSHS tańdalǵan. Buǵan deıin aıtylǵandaı, osy kompanıa almatylyqtarǵa jer silkinisin habarlaýǵa jaýapty jáne ol úshin 1,1 mıllıard teńge alǵan. Jetkizýshi men tapsyrys berýshi arasyndaǵy qoldanystaǵy shartqa byltyr qol qoıylǵan.
Al tehnıkalyq sıpattamada jetkizýshi sel qaýpin baqylaýdyń avtomattandyrylǵan júıesiniń úzdiksiz jumysyna jáne barlyq tehnologıalyq jabdyqtyń qyzmet etý merzimin uzartýǵa jaýap beretini jazylypty.
