جەر سىلكىنىسىنەن كەيىن الماتىلىقتارعا وسى ءقاۋىپ تۋرالى حابارلاۋعا جاۋاپتى كومپانيا ەكس-پرەزيدەنت نۇرسۇلتان نازاربايەۆتىڭ جيەنى ءنۇرالي الييەۆكە تيەسىلى TNS-INTEC ج ش س ەكەنى تۋرالى اقپارات تارادى.
بۇل تۋرالى "ادىلدىك جولى" قوعامدىق بىرلەستىگىنىڭ (قب) اتقارۋشى ديرەكتورى ديدار سماعۇلوۆ مالىمدەگەن ەدى.
Kaztag.kz دەرەكتەرىنە سۇيەنسەك، ءدال وسى ج ش س الماتى وبلىسىنداعى سەل ءقاۋپى مونيتورينگىنىڭ اۆتوماتتاندىرىلعان جۇيەسىنە دە جاۋاپ بەرەتىن بولىپ شىقتى.
"تاپسىرىس بەرۋشى - "قازاقستان رەسپۋبليكاسى توتەنشە جاعدايلار مينيسترلىگى الماتى قالاسىنىڭ توتەنشە جاعدايلار دەپارتامەنتى" مم؛ سيپاتتاما - كىشى جانە ۇلكەن الماتى، قارعالى جانە اقساي وزەندەرىنىڭ باسسەيندەرىندەگى سەل ءقاۋپى مونيتورينگىنىڭ اۆتوماتتاندىرىلعان جۇيەسىنە تەحنيكالىق قىزمەت كورسەتۋ جونىندەگى قىزمەتتەر؛ سوماسى - 46 317 000 تەڭگە"، - دەپ جازىلعان مەملەكەتتىك ساتىپ الۋ سايتىنداعى كەلىسىمشارتتا.
لوت 2023 جىلعى مامىردا جاريالانعان، جەڭىمپاز بولىپ TNS-INTEC ج ش س تاڭدالعان. بۇعان دەيىن ايتىلعانداي، وسى كومپانيا الماتىلىقتارعا جەر سىلكىنىسىن حابارلاۋعا جاۋاپتى جانە ول ءۇشىن 1،1 ميلليارد تەڭگە العان. جەتكىزۋشى مەن تاپسىرىس بەرۋشى اراسىنداعى قولدانىستاعى شارتقا بىلتىر قول قويىلعان.
ال تەحنيكالىق سيپاتتامادا جەتكىزۋشى سەل ءقاۋپىن باقىلاۋدىڭ اۆتوماتتاندىرىلعان جۇيەسىنىڭ ۇزدىكسىز جۇمىسىنا جانە بارلىق تەحنولوگيالىق جابدىقتىڭ قىزمەت ەتۋ مەرزىمىن ۇزارتۋعا جاۋاپ بەرەتىنى جازىلىپتى.
