Qazaqstannyń Kólik ministrligi ushqyshtar men dispetcherdiń sóilesken áńgimesiniń taraýyna qatysty pikir bildirdi, dep habarlaidy Dalanews.kz.
Vedomstvo málimetinshe, Kólik ministrligine qarasty aviatsiialyq oqiǵanyń sebebin anyqtaý jónindegi arnaiy Komissiiasynyń jumysy jalǵasyp jatyr.
– Aldyn ala esep jariialanǵanǵa deiin Komissiia resmi derekkózi joq ǵalamtorda jariialanǵan derekke túsinikteme bermeidi. Esterińizge sala keteiik, Komissiia QR zańnamasynyń talaptaryna jáne IKAO-nyń 13-qosymshasynyń talaptaryna sáikes aldyn ala esep jariialaidy. Onda tergeý barysy jáne tergeý nátijesinde anyqtalǵan naqty aqparat bolady, – delingen ministrlik habarlamasynda.
Eske salaiyq, buǵan deiin Aqtaýda apatqa ushyraǵan ushaqtyń ushqyshtar men dispetcherdiń ne jaily sóileskeni belgili bolǵan edi. Reseilik Baza telegram arnasy Aqtaý mańynda apatqa ushyraǵan Embraer-190 ushaǵynyń ushqyshtary men dispetcherlerdiń ne týraly sóileskenin jariialady. Jazbadan Groznyiǵa da, Mahachkalaǵa da qonbai, artynan Bakýǵa ushyp, aqyry Aqtaýǵa qoný týraly sheshimdi AZAL ekipajy ózi qabyldaǵanyn ańǵarýǵa bolady.
Stenogrammadan sondai-aq ushaq bortynda ottegi ballonynyń jarylýy men qozǵaltqyshqa qus túsýi týraly nusqalardy ekipaj músheleri aitqanyn túsinýge bolady.
Baza derekkózderi kim ekenin aitpaǵan. Resmi túrde jazbanyń shynaiylyǵy men tolyqtyǵy da rastalmaǵan.
