Aqtaýdaǵy ushaq apatynan aman qalǵan ázirbaijandyq azamat Qazaqstan dárigerlerine alǵysyn aitty, dep habarlaidy Dalanews.kz.
“Meniń saýsaǵym synyp, oǵan gips saldy. Sondai-aq denemde jaraqattar bar. Qazaqstanda bizge joǵary deńgeide kómek kórsetilip jatyr. Jaǵdaiymyz jaqsy. Barlyǵyna rizamyz”, – dedi Nýrýlla Siradjov Report agenttigine bergen suqbatynda.
Sondai-aq Siradjov jubaiynyń taǵdyryna alańdaýly ekenin jetkizdi.
“Onyń qaida jáne qandai jaǵdaida ekenin bilmeimin. Onymen qaýyshqym keledi. Ushaqta biz qatar otyryp edik. Sodan keiin ony kórgen joqpyn. Saǵynyp júrgen jalǵyz adamym – áielim”, – dep sózin tolyqtyrdy ol.
Aita keteiik, buǵan deiin Ázirbaijannyń Tótenshe jaǵdailar ministrligi Aqtaýdaǵy ushaq apatynan aman qalǵan stiýardessa Aidana Ragimlidiń sýreti men videosyn jariialaǵan edi.
Ol Mańǵystaý oblystyq aýrýhanasynda jatyr. Stiýardessa delegatsiiany kórgende, kóz jasyn toqtata almaǵan.
Aidana — Bakýden Groznyiǵa ushqan. Ol Aqtaýǵa úsh shaqyrym jerde qulaǵan Azerbaijan Airlines áýe kompaniiasynyń apatqa ushyraǵan ushaǵynda bolǵandardyń biri. Stiýardessadan bólek taǵy bir ekipaj múshesi aman qaldy.
Eske salaiyq, 25 jeltoqsanda Aqtaý mańynda "Baký-Groznyi" baǵytyna qatynaǵan Azerbaijan Airlines áýe kompaniiasyna tiesili ushaq apatqa ushyrady. Resmi málimetterge súiensek, apattan 29 adam aman qaldy, 38 adam qaza tapty.
Qazaqstan kólik ministrliginiń keltirgen aldyn ala derekteri boiynsha, bortta Ázirbaijannyń 37 azamaty, Qazaqstannyń alty azamaty, Qyrǵyzstannyń úsh azamaty jáne Reseidiń 16 azamaty bolǵan. Barlyǵy 67 adam, onyń ishinde beseýi ekipaj múshesi. Qazaqstan kólik ministrligi aviatsiialyq oqiǵany tergeý jónindegi komissiia qurylǵanyn málimdedi. Komissiia Resei men Ázirbaijannyń quqyq qorǵaý organdary áýe apatyn tergeýge jiberiletinin aitty.
