2025 jylǵy qańtarda UQK politsiiamen birlese jáne prokýratýra organdarynyń úilestirýimen Almaty qalasynda, Aqtóbe jáne Jambyl oblystarynda dini radikaldar áreketiniń jolyn kesti, dep habarlaidy Dalanews.kz.
Terrorizmdi, onyń ishinde telekommýnikatsiia jelilerin paidalaný arqyly nasihattady degen kúdikpen 3 adam qamaýǵa alyndy.
Eki figýrant buryn densaýlyqqa qasaqana aýyr ziian keltirgeni, qaraqshylyq jasaǵany, esirtki zattaryn zańsyz alǵany jáne saqtaǵany úshin sottalǵan.
Taǵy bireýi buryn sheteldik sodyrlar lagerlerinde daiyndyqtan ótip, Qazaqstanǵa tapsyrmamen oralǵan, sonda ustalyp, sottalǵan. Uzaq merzimdi jazasyn ótep bostandyqqa shyqqannan keiin de radikaldy ideologiiadan bas tartpaǵan.
Tergeý áreketteri barysynda olardyń turǵylyqty mekenjailary boiynsha dini ádebiet jáne basqa da zattai dáleldemeler tárkilendi.
Qylmystyq kodekstiń 256-baby boiynsha sotqa deiingi tergep-tekserý júrgizilip jatyr.
Qylmystyq-protsestik kodekstiń 201-babynyń 1-bóligine sáikes ózge aqparat jariia etýge jatpaidy.
