Qazaqstandyqtar úsh adamnyń ólimine sebep bolǵany úshin 10 jylǵa bas bostandyǵynan aiyrylǵan kásipker Ilias Kardy «Esentai Mall» ortalyǵynda baiqap qalǵan, dep habarlaidy Dalanews.kz.
QAJK-de onyń qonys-koloniiada jazasyn ótep jatqanyn jáne mekemeden zańdy negizde shyqqanyn túsindirdi.
Vedomstvo qonys-koloniiadaǵy sottalǵandar jumysqa, emdelýge nemese demalysqa shyǵý úshin aýmaqtan kete alady. Kardyń ótinishi boiynsha oǵan shyǵýǵa ruqsat berilgen.
«Demalysta bolǵan ýaqytynda eshqandai quqyq buzýshylyqqa jol bermedi, sottalǵan ishki ister organdary qyzmetkerleriniń baqylaýynda boldy. Qazirgi ýaqytta ol mekemege qaita oraldy», – dep habarlady QAJK.
Eske salaiyq, 2018 jyldyń jeltoqsanynda Qar mas kúiinde Mercedes Gelandewagen kóligin júrgizip kele jatyp, Abai men Seifýllin kósheleriniń qiylysynda jol apatyn jasaǵan. Saldarynan úsh adam qaza taýyp, taǵy bir áiel aýyr jaraqat alǵan. Sot ony 10 jylǵa koloniiaǵa qamaý jazasyna kesip, 7 jylǵa kólik júrgizý quqyǵynan aiyrǵan.
