قازاقستاندىقتار ءۇش ادامنىڭ ولىمىنە سەبەپ بولعانى ءۇشىن 10 جىلعا باس بوستاندىعىنان ايىرىلعان كاسىپكەر يلياس كاردى «Esentai Mall» ورتالىعىندا بايقاپ قالعان، دەپ حابارلايدى Dalanews.kz.
قاجك-دە ونىڭ قونىس-كولونيادا جازاسىن وتەپ جاتقانىن جانە مەكەمەدەن زاڭدى نەگىزدە شىققانىن ءتۇسىندىردى.
ۆەدومستۆو قونىس-كولونياداعى سوتتالعاندار جۇمىسقا، ەمدەلۋگە نەمەسە دەمالىسقا شىعۋ ءۇشىن اۋماقتان كەتە الادى. كاردىڭ ءوتىنىشى بويىنشا وعان شىعۋعا رۇقسات بەرىلگەن.
«دەمالىستا بولعان ۋاقىتىندا ەشقانداي قۇقىق بۇزۋشىلىققا جول بەرمەدى، سوتتالعان ىشكى ىستەر ورگاندارى قىزمەتكەرلەرىنىڭ باقىلاۋىندا بولدى. قازىرگى ۋاقىتتا ول مەكەمەگە قايتا ورالدى»، – دەپ حابارلادى قاجك.
ەسكە سالايىق، 2018 جىلدىڭ جەلتوقسانىندا قار ماس كۇيىندە Mercedes Gelandewagen كولىگىن جۇرگىزىپ كەلە جاتىپ، اباي مەن سەيفۋللين كوشەلەرىنىڭ قيىلىسىندا جول اپاتىن جاساعان. سالدارىنان ءۇش ادام قازا تاۋىپ، تاعى ءبىر ايەل اۋىر جاراقات العان. سوت ونى 10 جىلعا كولونياعا قاماۋ جازاسىنا كەسىپ، 7 جىلعا كولىك جۇرگىزۋ قۇقىعىنان ايىرعان.
