Jiyndy oblys ákiminiń orynbasary Ulasbek Sádibekov júrgizip otyrdy. Keleli kezdesýde 4 basqarmanyń basshysy atqarylǵan jumystarmen qatar qordalanǵan túitkilder jóninde baiandama jasap, olardy sheshý joldary men usynystaryn aitty.
– Oblystyq ystyq núkteler tiziminde bar máseleler boiynsha tiisti aýdan, qala ákimdikterinde daǵdarysqa qarsy shtab qurylyp, árbir másele jiti qaralyp, onyń sheshilýi, narazylyqty aldyn alý basty basymdyqqa alynýy qajet.
Sonymen qatar memlekettik baǵdarlamalardy jáne olardyń oryndalý barysyn nasihattaý jumystary kúsheitiledi.
Árbir aýdan, qala ákimdikteri BAQ-ta jáne áleýmettik jeldegi usynystar men syn-eskertpelerge nazar aýdarýy tiis.
Osy arqyly rezonansty jaǵdailardyń aldyn alyp, halyqqa burmalanbaǵan, shynaiy aqparat taratýǵa bolady.
Ol úshin memlekettik mekemeler jedel áreket etip, sol kemshilikti joiyp, zań talabyna sai jaýap berýge kúsh salýlary tiis. Aldaǵy ýaqytta ideologiialyq sala qyzmetkerleriniń biliktiligin arttyrý boiynsha oblystyq seminar-treningter uiymdastyrylady, – degen basqarma basshysy «Rýhani jańǵyrý» baǵdarlamasyn júzege asyrý, tsifrlyq efirlik tele-radio habarlaryn taratýǵa kóshý jáne jańa mediany damytý baǵytyndaǵy usynystaryn jetkizdi.
Al, oblystyq bilim basqarmasynyń basshysy Isatai Saǵyndyqov «Tsifrlyq Qazaqstan» baǵdarlamasy sheńberinde birqatar jumys atqarylǵanyn málimdedi. Óńirimizdegi mektepterde jumys.sitcen.kz portaly arqyly bos jumys oryndary jariialanyp, qysqa merzimde 1160 pedagogtyń bos oryndary týraly habarlamalar berilgen.
Búginde 137 adam osy júie arqyly jumysqa ornalasqan. Alaida, Kentaý qalasy men Báidibek, Qazyǵurt, Ordabasy, Otyrar, Sairam, Sozaq, Túlkibas jáne Shardara aýdandarynyń atalǵan júiemen jumys júrgizý sapasy tómen. Óńirde bilim uialaryn keń jolaqy internetpen qamtý, oqýshylardyń mektep kiim úlgisin saqtaý jáne ózge de tapsymalar boiynsha jumystar atqarylǵan. Basqarma basshysy mektepterdiń qysqy maýsymǵa daiyndyǵy, bilim zańnamalaryn saqtamaý, mektep formasy jáne ózge de máselelerge toqtalyp, «aýdan, qala ákimdikteri bizben birlesip jumys isteýi tiis» degen oiyn bildirdi.
Dini turaqtylyqty saqtaý baǵytynda da jumystar qolǵa alynǵan. Din isteri basqarmasy basshysynyń mindetin atqarýshy Raýshan Júnisovanyń aitýynsha, Túrkistan oblysynda Qazaqstan musylmandary dini basqarmasynyń filialdary, iaǵni, meshitter sany – 719.
Endi demeýshilerge meshitpen qatar, mádeniet jáne sport nysandary men ózge de áleýmettik nysandar salý jóninde túsindirme jumystary kúsheimek.
Sonymen qatar, beinabaqylaý ornatylmaǵan 211 meshitke beinabaqylaý ornatý baǵytynda naqty is-sharalar qolǵa alynady.
– Oblys kóleminde destrýktivti dini aǵymdardyń taralýynyń aldyn alý maqsatynda mádeniet salasynyń múmkindikteri qoldanylyp, mádeniet oshaqtarynda jastarǵa arnaiy kórkem jáne derekti filmder men qoiylymdardyń kórsetilýin uiymdastyrý qajet, – deidi R.Júnisova.
Oblystyq otbasy, balalar jáne jastar isteri jónindegi basqarmasy basshysynyń orynbasary Muhtar Seiitjapparov jasóspirimder men jastardyń qatysýmen oryn alǵan qylmys pen quqyq buzýshylyq oqiǵalary azaimai otyrǵanyn tilge tiek etti. Aýdan, qala ákimdikteri janyndaǵy kámeletke tolmaǵandardyń isi jáne olardyń quqyqtaryn qorǵaý jónindegi komissiialardyń jumysyn jandandyrý baǵytyndaǵy usynystaryn ortaǵa saldy.
Oblys ákiminiń orynbasary Ulasbek Sádibekov:
– Árbir basqarma ózine júktelgen mindetti sapaly oryndap, jumysty shiratqandary jón.
Sońǵy jyldary oblysta bolǵan oqiǵalardy zerdelep, onyń qaitalanbaýyna kúsh salyńyzdar.
Bilim, jastar, din jáne ideologiia salalaryna artylar mindet aýyr. Sondyqtan máseleniń saldarymen kúresý emes, onyń aldyn alǵan tiimdi, – dep jiyndy qorytyndylap, sala basshylaryna naqty tapsyrmalar berdi.
Túrkistan oblysy ákiminiń baspasóz qyzmeti
