Urlanǵan aktivterdi elge qaitarý júrdek júrip jatyr - Jamaýbaev
Erulan Jamaýbaevtyń aitýynsha, «Zańsyz iemdenilgen aktivterdi memleketke qaitarý týraly» zań qabyldandy, Premer-Ministrdiń tóraǵalyǵymen arnaiy Komissiia jumysyn bastap ketti.
«Ózderińiz bilesizder, elimizdiń prezidenti Qasym-Jomart Kemeluly Toqaevtyń bastaýymen úlken-úlken saiasi jáne ekonomikalyq reformalar júrgizilip jatyr. Olardyń negizgi túp maqsaty – halyqtyń ál-aýqatyn jaqsartý jáne elimizdi jańa damý deńgeiine shyǵarý. Osy turǵydan qabyldanǵan zańnyń el úshin, Qazaqstannyń bolashaǵy úshin mańyzy óte zor», – dep atap ótti Erulan Jamaýbaev.
Aktivterdi qaitarý tásilderine keletin bolsaq, Zań erikti jáne májbúrli qaitarý mehanizmderin kózdeidi. Erikti túrde degenimiz tiisti kelisimge otyryp, qarajat pen múlikti memleketke qaitarý. Al májbúrli túrde qaitarý sot arqyly júzege asyrylady. Osyǵan uqsas tásilder, mysaly, Ulybritaniiada bar eken.
Qazirgi tańda arnaiy Komissiia Zańnyń talaptaryna sáikes keletin sýbektilerdiń Tizilimi qalyptastyrylyp, tiisti jumystar júrgizilýde. Basty maqsat – zańsyz iemdelingen aktivterdi memleketke qaitaryp, ádilettikti ornatý.
[video width="1920" height="1080" mp4="https://dalanews.kz/wp-content/uploads/2023/11/1_qaytarylgan_aktivter_qazaqstan_yekonomikasyna_zhumys_isteytin_bolady.mp4"][/video]
