ەرۇلان جاماۋبايەۆتىڭ ايتۋىنشا، «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ قابىلداندى، پرەمەر-مينيستردىڭ توراعالىعىمەن ارنايى كوميسسيا جۇمىسىن باستاپ كەتتى.
«وزدەرىڭىز بىلەسىزدەر، ەلىمىزدىڭ پرەزيدەنتى قاسىم-جومارت كەمەل ۇلى توقايەۆتىڭ باستاۋىمەن ۇلكەن-ۇلكەن ساياسي جانە ەكونوميكالىق رەفورمالار جۇرگىزىلىپ جاتىر. ولاردىڭ نەگىزگى ءتۇپ ماقساتى – حالىقتىڭ ءال-اۋقاتىن جاقسارتۋ جانە ەلىمىزدى جاڭا دامۋ دەڭگەيىنە شىعارۋ. وسى تۇرعىدان قابىلدانعان زاڭنىڭ ەل ءۇشىن، قازاقستاننىڭ بولاشاعى ءۇشىن ماڭىزى وتە زور»، – دەپ اتاپ ءوتتى ەرۇلان جاماۋبايەۆ.
اكتيۆتەردى قايتارۋ تاسىلدەرىنە كەلەتىن بولساق، زاڭ ەرىكتى جانە ءماجبۇرلى قايتارۋ مەحانيزمدەرىن كوزدەيدى. ەرىكتى تۇردە دەگەنىمىز ءتيىستى كەلىسىمگە وتىرىپ، قاراجات پەن مۇلىكتى مەملەكەتكە قايتارۋ. ال ءماجبۇرلى تۇردە قايتارۋ سوت ارقىلى جۇزەگە اسىرىلادى. وسىعان ۇقساس تاسىلدەر، مىسالى، ۇلىبريتانيادا بار ەكەن.
قازىرگى تاڭدا ارنايى كوميسسيا زاڭنىڭ تالاپتارىنا سايكەس كەلەتىن سۋبەكتىلەردىڭ ءتىزىلىمى قالىپتاستىرىلىپ، ءتيىستى جۇمىستار جۇرگىزىلۋدە. باستى ماقسات – زاڭسىز يەمدەلىنگەن اكتيۆتەردى مەملەكەتكە قايتارىپ، ادىلەتتىكتى ورناتۋ.
[video width="1920" height="1080" mp4="https://dalanews.kz/wp-content/uploads/2023/11/1_qaytarylgan_aktivter_qazaqstan_yekonomikasyna_zhumys_isteytin_bolady.mp4"][/video]
