Abai oblysynda balalardy qaǵyp ketken júrgizýshiniń uly keshirim surap, apattyń sebebin aitty, dep habarlaidy Dalanews.kz «31 arnaǵa» siltep.
55 jastaǵy júrgizýshi oqiǵa bolǵan sátten keiin birden ustaldy. Onyń 20 jyldyq avtobýs júrgizý tájiribesi bar ekeni belgili boldy. Otbasynyń aitýynsha, apat kezinde er adamǵa júrek talmasy soqqan, sonyń saldarynan ol róldi basqara almai qalǵan. Meditsinalyq saraptama júrgizýshiniń mas kúide bolmaǵanyn, esirtki qoldanbaǵanyn rastady.
«Talmadan keiin ol róldi ustap qala almady. Qasyndaǵy anamyz bolǵan. Barlyǵy bir sátte oryn aldy. Óte qaiǵyly jaǵdai. Biz kóńil aitty. Keshirim suraimyz. Olar da (marqumdardyń týystary – avt.) túsinistikpen qarady. Mundai synaqqa endi eshbir otbasy tap bolmasyn deimiz. Eshkim mundai qasiretti kútpeidi», – dedi kúdiktiniń uly Erqanat Seriquly.
6 men 9 jas aralyǵyndaǵy úsh bala aýyr jaraqatpen aýrýhanaǵa jetkizildi. Olar bas súiek, aiaq-qol synyqtarymen jáne ishki aǵzalarynyń zaqymdanýymen túsken. Keiin ekeýi sanaviatsiia arqyly Astanaǵa jiberildi, al bir qyz bala aýdandyq aýrýhanada aýyr halde jatyr. Prezidenttiń tapsyrmasymen óńirge shuǵyl túrde astanalyq dárigerler jiberilip, birneshe ota jasaldy.
«Ár ota shamamen eki saǵatqa sozyldy. Birinshi operatsiia ishki aǵzalarǵa jasaldy, sebebi baýyr men ishektiń jaraqatynan ishki qan ketý boldy. Ekinshi ota bas mi jaraqatynan keiingi isinýge bailanysty jasaldy. Qyzdyń ómirine úlken qaýip tónip tur deýge bolady. Sebebi jaraqattary óte aýyr ári kúrdeli», – dedi neirohirýrg Saparbek Seiitbekov.
Politsiia qylmystyq is qozǵap, oqiǵanyń barlyq mán-jaiyn anyqtap jatyr.
