Kúni keshe ǵana jańa qyzmetine kirisken Imekeń uiymnyń mártbesin asyryp, ózin osy qyzmetke laiyq kórgen memleket basshylaryna alǵys aitty.
– UQShU-ǵa múshe elderdiń basshylarynyń osy jaýapty qurylymdy basqarýdy maǵan senip tapsyrǵanyna alǵys aitamyn. Búginde álem túrli geosaiasi jaǵdailarǵa tap bolyp, óte mańyzdy saiasi-ekonomikalyq máselelermeg betpe-bet kelip otyr.
Búginde UQShU-nyń aldynda ózekti osy máselelerdi sheshý mindeti tur. Aimaqtyq qaýipsizdikke qatysty syn-qaterlerdiń tigisin jatyqyzýda Ujymdyq sharty uiymyna úlken jaýapkershilik júktelýde. Aimaqtaǵy qaýipsizdik máselelerdi sheshýde UQShU-ǵa balama bolatyn uiym joq, – dedi Tasmaǵambetov.
Shyndyǵynda UQShU sońǵy kezderi aimaqtaǵy qaýipsizdikke jaýap bere almaityn áljýaz uiymǵa ainalǵan. Reseidiń múddesine jumys isteitin uiymdy on jerden maqtasaq ta endi adam bolmasy anyq.
Aitalyq, Armeniia men Ázirbaijan, Qyrǵyzstan men Tájikstan arasynda qarýly qaqtyǵys kezinde taraptardy bitimge keltire almaǵan uiymnan ne kútýge bolady?
Ótken jyldyń aiaǵynda UQShU-nyń Armeniiada ótken basqosýynda Armeniia biligi UQShU-dan shyqqysy keletinderin ashyp aitty. Ony qarapaiym armiiandar da qoldaǵanyn bilemiz.
Al munyń aldynda Qyrǵyzstannyń prezidenti Sadyr Japparov uiymnyń Peterborda ótken jiynyna barmai, UQShU-nyń qadirin odan beter qashyryp jibergeni esimizde.
Búginde Resei áskeriniń Ýkraina qarýly kúshterinen oisyrai jeńilýi UQShU-nyń bolashaǵy bulyńǵyr ekenin soqyrdyń qolyna taiaq ustatqandai dáleldep berdi emes pe?
Keteýi ketken uiymǵa Tasmaǵambetov basshy bolyp sailaǵannan túk ózgermesi anyq. UQShU-ny basqarý Almatyǵa basqarýmen jasaýmen shatastyrýmańyz, Imeke!
Kim biledi, Imekeńniń mańdaiyna UQShU-ny tarqatyp, sońǵy núktesin qoiý tarihi missiiasy jazylyp qoiǵan da shyǵar?..
