Osyndai tehnikalyq jáne tehnologiialyq qarqyndy jumystardyń nátijesinde, 2022 jyly qarý-jaraq jáne oq-dári tasymaldaýmen ainalysqan 203 qylmystyq árekettiń joly kesilipti.
Sonymen qatar, shekara buzǵan toǵyz myńnan astam qylmysker quryqtalǵan. Budan bólek, 3,5 milliard teńge jáne quny 10 milliard teńgege para-par taýar tasymalynyń tamyry qiylyp otyr.
Bul týraly UQK Tóraǵasy Ermek Saǵymbaev Memleket basshysy Q.Toqaevtyń qabyldaýynda bolǵanda aityldy. Prezidentke UQK salasynda júrgizilip jatqan reformalar jáne júieli transformatsiialar, olardyń naqty nátijeleri týraly baiandaldy.
Jyl basynan beri Qazaqstan Prezidenti bergen tapsyrmalaryna bailanysty ulttyq qaýipsizdik komitetiniń qurylymy kóp ońtailandyrylǵan bolatyn. Sonymen birge, bólimshelerdiń qyzmetteri men mindetteri, jumystary men jobalary naqtylandy.
Prezident tapsyrmasyna orai, áskeri jattyǵý jáne jaýyngerlik jumyldyrý ázirligi qamtamasyz etilgenin de eskerte keteiik. Al daǵdarysqa qarsy turý úshin basqarý júiesine jańa tehnikalyq tásilder engizilgenin aitqan durys.
UQK salasyna kúrdeli reforma qajet ekeni jyl basynda ashyq kórinis tapqan jaǵdai.
Sondyqtan da E.Saǵymbaev: «QR Terrorizmge qarsy ortalyǵynyń jumysy qaitadan ázirlenip, lańkestik qaýip-qaterge qarsy is-qimyl salasyndaǵy úilestirýshilik róli kúsheitildi. 2022 jyldyń basynan beri terrorizmge qarsy ortalyq memlekettik organdardyń arnaýly kúshteri men tehnikalyq quraldaryn qosa otyryp, 400-den astam oqý-jattyǵý ótkizgen bolatyn» - dep atap ótti.
Ermek Saǵymbaevtyń Memleket basshysyna bergen esebine súiensek, bir jyldyń ishinde aldyn alý sharalary arqyly zalal kólemi 900 mlrd teńge bolatyndai qylmystyq oqiǵanyń joly kesilipti. Odan bólek, 37 mlrd teńge aqsha qazynaǵa qaitarylǵan.
Al ulttyq qaýipsizdik komiteti materialdarynyń negizinde 791 túrli qylmystyq is ashylyp otyr. Onyń 49-y júieli túrde sybailas jemqorlyq derekteriniń negizinde qozǵalǵany aityldy.
Memleket basshysynyń qabyldaýynda, sondai-aq Qazaqstannyń aqparattyq qaýipsizdigin qamtamasyz etý júiesi týraly da aityldy.
Jasyratyny joq, sońǵy ýaqytta bul sala jetildirilip jatyr. Máselen, 2022 jyldyń basynan beri qarai ulttyq qaýipsizdik komitetiniń tehnikalyq qyzmetteri infraqurylym nysandaryna jasalǵan 295 million kibershabýyldyń jolyn kesken. Odan bólek, 2 myń DDoS-shabýyldyń aldyn alypty. Bul Qazaqstan siiaqty memleket úshin úlken jetistik.
E.Saǵymbaev qabyldaýda quqyq qorǵaý organdarymen birge qarý-jaraq izdeý, qoǵamǵa asa qaýipti uiymdasqan qylmystyq toptar men esirtki qylmyskerlerin quryqtaý boiynsha ártúrli is-sharalardyń júrgizilip jatqany aityldy. Bul da qylmystyq salada jasalǵan nátijeli jumystardyń bir parasy.
Aitalyq, arnaiy sharalardyń nátijesinde jyl basynan beri 900 keliden astam esirtki tárkilengen. Odan bólek, 11 tonna prekýrsorlar, 16 esirtki zerthanasy talqandalypty. Taǵy da 24 halyqaralyq jáne 45 óńirlik esirtki arnasynyń kózi joiylǵan. Osy qylmystarmen birge zańsyz ainalymda júrgen 773 qarý-jaraq, 20 myńnan astam oq-dári tárkilenip, kóptegen qylmystyń aldyn alǵan. Toqaevqa osyndai naqty jumystar boiynsha aityldy.
Qazaqstan Prezidentiniń qabyldaýynda bolǵan Ermek Saǵymbaevqa birqatar naqty tapsyrmalar júkteldi. Onyń ishinde UQK organdary qyzmetiniń baǵyttary men negizgi syn-qaterlerin eskerý jaǵy bar.
