Ulttyq qaýipsizdik komitetiniń Sybailas jemqorlyqqa qarsy is-qimyl qyzmeti kólik vitse-ministri Sátjan Ablaliev ustalǵanyn rastady, dep habarlaidy Dalanews.kz.
"Ulttyq qaýipsizdik komitetiniń Sybailas jemqorlyqqa qarsy is-qimyl qyzmeti Qazaqstan Respýblikasynyń Kólik vitse-ministrin para aldy degen kúdikpen ustap, sot sanktsiiasymen qamaýǵa aldy", - dep jazylǵan habarlamada.
Aldyn ala boljam boiynsha sheneýnik aqshany Ulybritaniiadaǵy ulynyń oqýyna jumsaǵan. Tergeýshilerdiń paiymynsha, para respýblikalyq avtojol qurylysyna teh.baqylaý júrgizgen kompaniialarǵa jasalǵan qamqorlyqtyń óteýi retinde berilgen.
Buǵan deiin para somasy 78 myń dollardy quraǵany týraly aqparat taraǵan edi.
Sátjan Ablaliev jol salasynyń mamany, tehnika ǵylymdarynyń kandidaty, 30-ǵa tarta ǵylymi jumystyń avtory. "Qurmet" ordeni, "Eren eńbegi úshin" jáne "Táýelsizdikke 25 jyl" medalimen marapattalǵan. "Kólik salasynyń qurmetti qairatkeri" ataǵy jáne bar.
Uzaq jyl kólik jáne jol qurylysy salasynda laýazymdy qyzmet atqaryp, SQO ákiminiń orynbasary bolǵan. 2023 jyly qazannan bastap kólik vitse-ministri qyzmetin atqaryp kelgen.
Qyzmetke kelgesin birqatar bastama kóterip, Qytai men Eýropa arasyndaǵy júk tasymalynyń ýaqytyn qysqartýdy kózdegen. Eldegi myńdaǵan shaqyrym joldyń sapasyn arttyrýǵa arnalǵan jobalardy qolǵa alyp, halyqaralyq standartqa sai jol qaýipsizdigin nyǵaitý baǵdarlamasyn engizýdi josparlaǵan bolatyn.
Ablaliev byltyr otandyq áýe kompaniialary dombyrany ushaq ishinde tasýǵa tyiym salǵan kezde qoǵam synyna ushyraǵan. Ol erejeni qaita qaraýǵa ýáde etken edi.
