Shymkentte qala ákiminiń burynǵy orynbasary Maqsut Isahovqa qatysty sot protsesi jalǵasyp jatyr, - dep habarlaidy Dalanews.kz.
Bul aqparatty Shymkent sotynyń baspasóz qyzmeti ókilderi rastady, burynǵy sheneýnikke qatysty Qylmystyq kodekstiń 367-baby, 4-bóligi "Para berý" boiynsha is sotta qaralyp jatqany aityldy. Resmi málimet boiynsha, is boiynsha basty sot 12 naýryzda bastalǵan.
Aita keteiik, Maqsut Isahov 2023 jyly 20 shildede para aldy degen kúdikpen ustalǵan bolatyn. Tergeý barysynda ol qamaýǵa alyndy. Buǵan deiin tergeý organdary oqiǵanyń egjei-tegjeiin jariialamaǵan bolatyn.
"Bul derek boiynsha sotaldy tergep-tekserý amaldary júrgizilip, barlyq qajetti tergeý jáne jedel-izdestirý sharasy júrgizilip jatyr. Qylmystyq is júrgizý kodeksiniń 201-babyna sáikes, tergeý múddesine qatysty ózge de málimetter jariia etilmeidi", - dep habarlady buǵan deiin Ulttyq qaýipsizdik komitetiniń baspasóz qyzmeti.
Otyrar.kz málimetinshe, Maqsut Isahovqa qatysty is qylmystyq ister jónindegi mamandandyrylǵan aýdanaralyq sotta qaralyp jatyr. Shymkent ákiminiń burynǵy orynbasary UQK bastyǵynyń burynǵy orynbasaryna 200 myń dollar kóleminde para berdi dep aiyptalyp jatyr.
Aita keteiik, Maqsut Isahov 2020 jylǵy aqpanda Shymkent qalasy ákiminiń orynbasary bolyp taǵaiyndalǵan bolatyn. Qalalyq ákimdikte kólik jáne avtomobil joldary, eńbek inspektsiiasy, týrizm, dene shynyqtyrý jáne sport, aqparattyq qaýipsizdik jáne memlekettik qyzmet kórsetý, sondai-aq, tsifrlandyrý salasy, jerdiń paidalanylýy men qorǵalýyn memlekettik baqylaý máselelerine jetekshilik etti.
