«Tárbıesiz berilgen bilim – adamzattyń qas jaýy» - dep ǵulama ál – Farabı aıtqandaı, tárbıege toly qundylyqtarmen qatar, stýdentterdiń bilim kókjıegin jan – jaqty kóbeıtýde jaqsy ister atqarylýda.Ulttyq reıtıńti joǵaltpaǵan JOO qatarynda kóshbasshy orynǵa ıe.Oqý úderisterinde stýdentterdiń alańsyz bilim alýyna múmkindik jasaý bazasy tolyqtyrylyp, oqý dárishanalary yńǵaıly, beınekórsetilimder úlgilerimen jabdyqtalǵan.Ýnıversıtet óziniń jan – jaqty qyzmetin keń aýqymda júrgizip, qarqyndy damyp, jastardyń boıynda azamattyq, ultjandylyq sezimderin, urpaqtar sabaqtastyq dástúrli úrdisin qalyptastyrýda zor eńbek etýde.Qazirgi ýaqytta ıntranet korporatıvti júıesine negizdelgen kredıttik oqytý tehnologıasy tolyq jolǵa qoıylǵan, jastarǵa arnalǵan ınternet – ortalyǵy, stýdentter qalashyǵyn tolyq qamtıtyn Wi – Fi symsyz jelisi tartylǵan. Qazirgi tańda ál – Farabı atyndaǵy Qazaq Ulttyq Ýnıversıteti – qarqyndy damyp kele jatqan Qazaqstannyń ekonomıkasynyń ósýine, básekege qabiletti mamandardy daıyndaýda belsendi júzege asyryp otyrǵan bilim ordasy.
Bilim kókjıegin keńeıtip, ir salada maman daıyndaıtyn kezindegi qanat qaqtyrǵan oqý orny túlekterdiń esimin búginde respýblıka kóleminde, álemdik deńgeıde tanytyp júr.İlim jolyndaǵy asqaq armanyn jıyp kelgen talaı jasty qara shańyraq qulaq jaıa qarsy alyp, ozyq tájirıbe men ǵylymnyń bıigin baǵyndyrǵan bilikti ustazdar bilim nárimen sýsyndatýda.
Qazaq bıliginde, saıasat pen zańdy qatar alyp júrip, memleket isine belsene at salysyp-aq júr onyń túlekteri.
«Sen de bir kirpish – dúnıege
Ketigin tap ta bar,qalan» - degen edi Abaı atamyz.Ǵulamanyń ulaǵatty oıy QazUÝ – degi árbir stýdenttiń ustanar urany, myzǵymas, berik maqsaty.
Stýdent múddesin basty orynǵa qoıyp, ilim berýde ozyq oıly ustazdar kúndiz – túni talmaı eńbek etýde.
Araı Jekeeva, Shyǵystaný fakúltetiniń 3 kýrs stýdenti
Nurtálip Sharypqazy, Shyǵystaný fakúltetiniń oqytýshysy
