Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Úndister qus sharýashylyǵyna investitsiia salmaq

Dalanews
Úndister qus sharýashylyǵyna investitsiia salmaq
 

Búgin oblys ákimi Janseiit Túimebaev Úndistannyń «VENKY'S» kompaniiasynyń ókilderimen kezdesti.

Úndistan naryǵynyń 90 paiyzǵa jýyǵyn qus etimen qamtamasyz etip otyrǵan alpaýyt kompaniia Túrkistan oblysyna investitsiia salýǵa nietti.

Kezdesýde óńir basshysy oblysymyzda aýyl sharýashylyǵy salasyn damytýǵa tolyq múmkinik bar ekenin jetkizdi.

— Túrkistan oblysy Ózbekstan Respýblikasymen shektesedi.  Óńirden Batys Eýropa – Batys Qytai magistrali ótedi. Jumys kúshi kóp ári tabiǵaty sharýashylyqqa qolaily. Birneshe qus fabrikasy bar. Biz ákimdik tarapynan qus sharýashylyǵyn damytyp, klaster qurýǵa árdaiym qoldaý kórsetýge daiynbyz. Eger investorlar keletin bolsa, jer jáne infraqurylym máselesine de kómek kórsetiledi. Ekijaqty jobalar Úndistanǵa da, Qazaqstanǵa da paidaly bolady dep oilaimyn. Birlesip jumys isteýge ázirmiz, — dedi J.Túimebaev.

Al, «Venkateshwara Hatcheries Private Limited» (VH group) kompaniiasynyń operatsiialar jónindegi bas direktory Mýrtýza Ali Ismail MAGDÝM  Túrkistanǵa kelýdegi maqsatyn túsindirdi. Investordyń aitýynsha, kompaniia 1971 jyly qurylǵan.  Tek Úndistanda ǵana emes, AQSh jáne Eýropa elderinde birlesken kásiporyndary men jobalary bar.  Qazir álemde «Venky's» degen atpen tanylǵan alpaýyt kompaniia qus ósirýmen, jumyrtqa óndirýmen qatar jumyrtqa untaǵyn da kádege asyryp júr.  Arnaiy zertteý ortalyqtarynda qus sharýashylyǵyna qajetti vaktsina shyǵarýmen de ainalysady. Osy derekterge toqtalǵan úndistandyq kompaniia basshysy kelissózder sátti aiaqtalsa, Túrkistan oblysynda jumys bastaýǵa daiyn ekenin málimdedi. Dálirek aitsaq, «Ordabasy qus» jáne «Shymkent qus» JShS-imen de birikken jobalardy júzege asyrýdy kózdep otyr.

Oblys ákimi Janseiit Túimebaev qus sharýashylyǵyn halyqaralyq deńgeige kóterý arqyly eksport kólemin arttyrýǵa bolatynyn aityp, osy salaǵa jaýapty orynbasarlaryna úndistandyq investormen iskerlik bailanysty naqtylaýdy tapsyrdy.

 

Túrkistan oblysy ákiminiń baspasóz qyzmeti  
Qytai Batys Eýropa Úndistan Janseiit Túimebaev Shymkent qus Ordabasy qus VENKY'S Mýrtýza Ali Ismail MAGDÝM Madina Sádýaqasova

Oqi otyryńyz