2025 jyly Qazaqstan Úkimeti ekonomikanyń naqty sektoryn jedel damytýǵa nyq senimmen kiristi. Memleket IT men logistikadan bastap, tamaq ónerkásibi, qurylys, mashina jasaý men himiiaǵa deiingi basty salalardaǵy shaǵyn jáne orta biznestiń investitsiialyq jobalaryna ashyq tapsyrys jariialady. Mindet – shaǵyn biznesti orta jáne iri biznestiń deńgeiine jetkizý.
Kásipkerlerge "Damý" qory aitarlyqtai qoldaý kórsetýde. Atap aitqanda, nesiege kepildik berý kólemi edáýir artty. Endi kepil jetkiliksiz bolsa, memleket jobanyń 85%-ǵa deiingi qunyn jabady. Sonyń arqasynda, elimizde jańa óndiristerdi iske qosýǵa múmkindik artady.
Bul saiasattyń nátijesi de is júzinde belgili bolýda. 2010 jyldan beri "Damýdyń" qoldaýymen himiia ónerkásibi salasyndaǵy 512 jobaǵa 195 mlrd teńge berilgen. 30,4 mlrd sýbsidiia tólendi. Almaty, Aqtóbe, Pavlodar men Almaty oblystarynda eń kóp joba júzege asyryldy.
Osyndai óndirýshilerimiz óz jetistigi men ónimin osy kúnderi Astanadaǵy EXPO halyqaralyq kórme ortalyǵynda ótip jatqan VIII jyl saiynǵy "Ulttyq ónim" kórmesinde pash etýde. Oǵan elimizdiń barlyq óńirinen 350 kásiporyn kelgen eken.
Bulardyń qatarynda mańǵystaýlyq "Kaspiigrýpp" kompaniiasy bar. Ol ydys jýýǵa arnalǵan jýǵysh zattan bastap, turmystyq himiianyń keń assortimentin shyǵarýdy jolǵa qoiǵan. Olardyń ónimderiniń arasynda jýǵysh untaqtar, ottegi aǵartqyshtary, gelder men suiyq zattar bar. Óndiristik alańdar Aqtaý men Almatyda jumys istese, ónimderi Qazaqstannyń alty óńirine jetkizilýde.
– "Damý" resýrsy arqyly memlekettik qoldaý bizge jiger men senim beredi. Jaqyn arada sýsabyndar, sabyndar jáne basqa da quraldar shyǵaratyn jańa jelilerdi iske qosýdy josparlap otyrmyz", –deidi “Kaspiigrýpp" satý jónindegi menedjeri Armin Paviz.
Óz ónimin óndiretin kelesi qatysýshy astanalyq "Yarko" kompaniiasy. Ol udaiy ósip, damý arqyly qanatyn keńge jaiýda.
– 2013 jyly biz 3000 bótelke ǵana jýǵysh zat satatyn edik. Qazir jylyna 470 000-yn satamyz. "Damýdyń" arqasynda jańa naryqtarǵa shyqtyq. Ónim túrleri kóbeiip, kólemi de artýda. Aldaǵy maqsat-elimizdegi iri saýda jelileri, – deidi kompaniia ókili Erik Jarmaǵambetov.
"Yarko" ónimderi búginde elordalyq SO-larda qoiylǵan. Óńirlik distribiýtorlar arqyly da keńinen taratylýda. Kompaniia sonymen qatar "Halal" sertifikatyna ie. Ulttyq standarttarǵa da tolyqtai sáikes keledi.
"Ulttyq ónim" kórmesi memlekettik qoldaý arqyly tolymdy tabysqa qol jetkizýdiń jarqyn úlgisi bola otyryp, qazaqstandyq biznesti órletýdiń negizgi alańy bolyp qala beredi.
