Qazaly aýdanynda memleketke qaitarylǵan aktivter esebinen aýyz sý júiesi iske qosyldy, dep habarlaidy Dalanews.kz.
21 qańtarda Qyzylorda oblysy Qazaly aýdanyndaǵy Sarbulaq eldi mekeninde memleketke qaitarylǵan aktivter esebinen salynǵan taza aýyz sýmen qamtamasyz etý júiesiniń iske qosylý rásimi ótti.
Saltanatty is-sharaǵa Parlament Senatynyń depýtaty Naýryzbai Baiqadamov, Qyzylorda oblystyq máslihatynyń tóraǵasy Murat Tleýmbetov, Qazaly aýdanynyń prokýrory Madiiar Bekpanov, sondai-aq qoǵam ókilderi qatysty.
Jobany iske asyrý aiasynda Sarbulaq eldi mekenindegi 78 turǵyn úige servistik jeli tartylyp, aýyl turǵyndary tolyqtai ortalyqtandyrylǵan taza aýyz sýmen qamtamasyz etildi.
Atalǵan aýyz sý júiesiniń paidalanýǵa berilýi eldi meken turǵyndarynyń turmys sapasyn jaqsartýǵa jáne áleýmettik infraqurylymdy damytýǵa baǵyttalǵan.
