قازالى اۋدانىندا مەملەكەتكە قايتارىلعان اكتيۆتەر ەسەبىنەن اۋىز سۋ جۇيەسى ىسكە قوسىلدى، دەپ حابارلايدى Dalanews.kz.
21 قاڭتاردا قىزىلوردا وبلىسى قازالى اۋدانىنداعى ساربۇلاق ەلدى مەكەنىندە مەملەكەتكە قايتارىلعان اكتيۆتەر ەسەبىنەن سالىنعان تازا اۋىز سۋمەن قامتاماسىز ەتۋ جۇيەسىنىڭ ىسكە قوسىلۋ ءراسىمى ءوتتى.
سالتاناتتى ءىس-شاراعا پارلامەنت سەناتىنىڭ دەپۋتاتى ناۋرىزباي بايقاداموۆ، قىزىلوردا وبلىستىق ءماسليحاتىنىڭ ءتوراعاسى مۇرات تلەۋمبەتوۆ، قازالى اۋدانىنىڭ پروكۋرورى ماديار بەكپانوۆ، سونداي-اق قوعام وكىلدەرى قاتىستى.
جوبانى ىسكە اسىرۋ اياسىندا ساربۇلاق ەلدى مەكەنىندەگى 78 تۇرعىن ۇيگە سەرۆيستىك جەلى تارتىلىپ، اۋىل تۇرعىندارى تولىقتاي ورتالىقتاندىرىلعان تازا اۋىز سۋمەن قامتاماسىز ەتىلدى.
اتالعان اۋىز سۋ جۇيەسىنىڭ پايدالانۋعا بەرىلۋى ەلدى مەكەن تۇرعىندارىنىڭ تۇرمىس ساپاسىن جاقسارتۋعا جانە الەۋمەتتىك ينفراقۇرىلىمدى دامىتۋعا باعىتتالعان.
