Ulttyq banktiń bazalyq mólsherlemeni 17%-ǵa deiin tómendetýi teńge baǵamyna qysqa merzimdi qysym túsirýi múmkin. Mundai pikirdi ekonomist, Qazaq Expert Club teń quryltaishysy Baýyrjan Shurmanov bildirdi, dep habarlaidy dalanews.kz.
Onvń sózinshe, Ulttyq banktiń bazalyq mólsherlemeni birden 1 paiyzdyq tarmaqqa tómendetip, 17%-ǵa deiin túsirýine birqatar obektivti makroekonomikalyq faktor negiz bolǵan.
Ol mamyr aiynda jyldyq infliatsiianyń 10,4%-ǵa deiin baiaýlaǵanyn, al halyqtyń infliatsiialyq kútýleri 12,4–12,7% aralyǵynda turaqtanǵanyn atap ótti. Sonymen qatar Qazaqstan ekonomikasynyń 2026 jylǵa arnalǵan ósim boljamynyń 4,5–5,5%-ǵa deiin jaqsarýy eldegi ekonomikalyq belsendiliktiń joǵary deńgeide saqtalyp otyrǵanyn kórsetetinin aitty.
Sarapshynyń pikirinshe, bul sheshim valiýta naryǵynda qysqa merzimdi túzetýge áser etýi múmkin. Sebebi bazalyq mólsherlemeniń tómendeýi teńgelik qarjy quraldarynyń tabystylyǵyn azaityp, olardyń investorlar úshin tartymdylyǵyn tómendetedi.
"Qazirgi kezde dollar baǵamy shamamen 490 teńge deńgeiinde turaqtap tur. Bazalyq mólsherlemeniń tómendeýi ulttyq valiýtaǵa belgili bir dárejede qysym túsirýi múmkin. Demalys maýsymynyń bastalýy jáne Ulttyq qordan valiýta aiyrbastaý kóleminiń qysqarýyn eskersek, aldaǵy bir aida USD/KZT baǵamynyń 498 teńgege qarai jyljýyna alǵysharttar bar", – deidi Baýyrjan Shurmanov.
Onyń aitýynsha, aldaǵy ýaqytta Ulttyq bank saqtyq tanytyp, kútý pozitsiiasyn ustanýy yqtimal. Óitkeni kommýnaldyq qyzmet tarifteriniń ósýi, janar-jaǵarmai baǵasynyń qymbattaýy jáne kvazimemlekettik shyǵyndardyń artýy siiaqty infliatsiialyq táýekelder áli de saqtalyp otyr.
"Retteýshi qazir aqsha-nesie saiasatyn kúrt jumsartýǵa asyqpaidy. 24 shildege josparlanǵan kelesi otyrysqa deiin Ulttyq bank naryqtyń reaktsiiasyn jáne infliatsiia dinamikasyn baǵalap, keiingi sheshimderin soǵan qarai qabyldaidy", – dedi ekonomist.
