Bul suraqqa Úkimettiń keńeıtilgen otyrysy barysynda Prezıdent Qasym-Jomart Toqaev jaýap berdi, dep jazady Dalanews.kz.
Memleket basshysy Memlekettik kirister komıtetinde 2000-2014 jyldary iske qosylǵan 14 aqparattyq júıe bar ekenin eske saldy.
"Olardyń kóbi keńinen qoldanylmaıdy. 2021 jyly bul júıelerdiń bári halyqaralyq qarjy uıymdarynyń qoldaýymen 12 jyl boıy jasalǵan jańa júıelermen almastyrylýy kerek edi. Biraq qarajat ıgerilgenine qaramastan, esh nátıje joq. Vedomstvonyń barlyq aqparattyq júıesine táýelsiz IT-aýdıt júrgizýdi tapsyramyn", - dedi Toqaev.
Onyń paıymynsha, jańa Salyq kodeksin ázirleýmen qatar Memlekettik kirister komıtetiniń jańa aqparattyq arhıtektýrasyn qalyptastyrý qajet.
"Jalpy, salyq jáne búdjet salasyna túbegeıli reforma qajet. Sonyń arqasynda memleket pen bıznestiń arasynda jańa qoǵamdyq shart jasalmaq. Osylaısha, ulttyq tabysty ádil bólýdiń parasatty joly qalyptasady. Bul – Úkimettiń aldynda turǵan negizgi basymdyq", - dedi Memleket basshysy.
