Onyń aitýynsha, ulttyq joba otandyq mádeni ónimdi shet elderge shyǵarýǵa múmkindik beredi.
"Máselen, endi aýyl men shalǵai eldimekender halqynyń 92,5%-y mádenietpen qamtylady. Al ministrlik bul qyzmetterdiń sapasyna halyqtyń qanaǵattaný deńgeiin 75%-ǵa deiin jetkizýdi josparlap otyr. Ol úshin 250 jańa nysan salynyp, jumys istep turǵan 1 200 mádeniet nysany kúrdeli jóndeýden ótedi.
Eldiń shyǵarmashylyq áleýetin tikelei qoldaý arqyly otandyq mádeni ónimdi kóbeitý, onyń ishinde kinoprokattaǵy otandyq filmderdiń úlesin 25%-ǵa deiin ulǵaitý josparlanyp otyr.
"Qazaqanimatsiia" shyǵarmashylyq birlestiginiń bazasynda 40-qa jýyq animatsiialyq film paida bolady, ol da jańadan qurylatyn bolady", - dep habarlady Aida Balaeva OKQ brifinginde.
Sonymen qatar, jer sharynyń kez kelgen núktesinen jeke elektrondy platformada Qazaqstannyń mýzeilerine, teatrlaryna, kitaphanalaryna jáne basqa da mádeni kórikti jerlerine úiden shyqpai-aq "barýǵa" bolady.
