2026 jylǵy 20 qańtarda Qyzylorda qalasynda Ulttyq quryltaidyń V otyrysy ótti. El tarihyndaǵy mańyzdy ári eleýli oqiǵanyń dál osy aimaqta ótýi - syr eli úshin erekshe este qalar sát boldy. Óńir halqy memleket basshysyna erekshe yqylas bildirip, alǵystaryn jaýdyrýda, dep habarlaidy Dalanews.kz
El taǵdyryna qatysty mańyzdy máseleler talqylanǵan bul alqaly jiynnyń dál osy óńirde uiymdastyrylýy jáne bir ǵasyr buryn Qazaq eliniń astanasy bolǵan qasietti Qyzylorda jerinde ótýi – Syr óńiri jurtshylyǵy úshin zor mártebe ári tarihi mańyzy airyqsha oqiǵa boldy. Osyndai tarihi jáne saiasi máni zor quryltai otyrysynan keiin Syr eliniń ziialy qaýym ókilderi men jastary Memleket basshysyna alǵysyn bildirip arnaiy hat joldady.
«Aimaq halqy Ózińizdiń ulttyq birlikti nyǵaitýǵa, azamattardyń ál-aýqatyn arttyrýǵa baǵyttalǵan syndarly saiasatyńyzdy árdaiym qoldap keledi. Quryltai barysynda Qyzylorda oblysynyń sońǵy jyldardaǵy áleýmettik-ekonomikalyq damýyna joǵary baǵa berýińiz Syr jurtshylyǵyna úlken senim men jiger syilady.
Bul – yntymaǵy jarasqan óńir halqyna kórsetilgen laiyqty qoldaý ári eńbektiń ádil baǵasy dep qabyldandy. Qyzylorda qalasynan Prezidenttik kitaphana ashý, jańa drama teatr men 500 oryndyq emhana jáne 200 oryndyq perzenthana salý, «Batys Qytai – Batys Eýropa» dáliziniń Qyzylorda – Aqtóbe arasyn tórt jolaqty etip keńeitý, sondai-aq biyl «Beineý – Sekseýil» jolynyń qurylysyn bastaý jáne Kókaral bógeti jobasyn júzege asyrý arqyly kishi Araldyń sý kólemin aitarlyqtai kóbeitý boiynsha bergen tapsyrmańyz óńir turǵyndaryn erekshe qýantty.
Sizge barsha Syr jurtshylyǵy atynan shynaiy alǵysymyzdy, zor rizashylyǵymyzdy bildiremiz.
Biz Sizdiń ádiletti, qýatty, qaýipsiz ári taza Qazaqstandy ornyqtyrý baǵytyndaǵy barlyq bastamalaryńyzdy qoldaimyz! Egemen elimizdiń damýy jolyndaǵy eren eńbegińizge tabys, denińizge saýlyq pen kúsh-jiger tileimiz!» - delingen hatta.
Syr halqynyń alǵysyn jetkizgen hatqa qol qoiǵandar arasynda - Qazaqstannyń Eńbek Erleri A.Eraliev, I.Shaǵyrtaev, Qazaqstannyń eńbek sińirgen qairatkerleri, Eńbek ardagerleri J.Sharipov, S.Imandosov, ziialy qaýym ókilderi, Qyzylorda oblysynyń Ardagerler keńesiniń tóraǵasy S.Dúisenbaev, aitysker aqyndar M.Niiazov, M.Sultanhan, oblystyq Máslihat tóraǵasy men «AMANAT» partiiasynyń oblystyq filialynyń tóraǵasy, Qazaqstan halqy Assambleiasy ókilderi jáne jastar bar.
