Atalǵan zań jobasy kelesi jyldyń 1 qańtarynan bastap iske asatyn Memleket basshysynyń «Ulttyq qor – balalarǵa» atty baǵdarlamasy boiynsha ázirlenip jatyr.
Bul – Prezident júzege asyryp jatqan aýqymdy reformalar baǵdarlamasynyń negizgi bastamalarynyń biri.
Atalǵan bastama týraly Prezident byltyrǵy jyldyń 1 qyrkúiek kúni jariialaǵan Joldaýynda aitqan bolatyn.
«Árbir otbasy eldiń ulttyq bailyǵyn paidalanǵany úshin naqty tabys alýy kerek. Sondyqtan men jariialaǵan Balalar jyly aiasynda jańa «Balalarǵa arnalǵan ulttyq qor» baǵdarlamasyn iske qosýdy asa mańyzdy dep sanaimyn.
Kámelettik jasqa tolǵannan keiin olar jinaqtalǵan somany turǵyn úi satyp alýǵa jáne bilim alýǵa jumsai alady.
Bul qarajat óskeleń urpaqqa kámelettik jasqa shyn joldama beredi. Qor shynymen de ulttyq mártebege ie bolyp, halyq igiligine qyzmet etetin bolady. Osy aýqymdy isti jan-jaqty zerdeleý qajettiligin eskere otyryp, jobany 2024 jyldyń 1 qańtarynan bastap iske qosýdy tapsyramyn», — degen bolatyn Memleket basshysy.
Memleket basshysynyń «Ulttyq qor – balalarǵa» jobasy jas qazaqstandyqtardyń kámelet jasyna tolǵan kezinde óziniń baspana jaǵdaiyn jaqsartýyna nemese bilim alýyna múmkindik beredi.
Osylaisha, Prezidenttiń áleýmettik mańyzdy bastamasy zań turǵysynan rásimdelip, Ulttyq qordyń qarjysy halyqtyń múddesi úshin jumys istei bastaidy.
Buǵan deiin Ekonomika ministri Álibek Qýantyrov Ulttyq qordan balalardyń shotyna aqsha aýdarý ádistemesi daiyn, óz kezeginde Qarjy ministrligi onyń erejelerin ázirlep jatqanyn habarlaǵan.
«Esepte turǵan 18 jasqa deiingi balalarǵa jyldyq qorytyndy boiynsha tiisti investkiristiń 50 paiyzy túsedi. Osy 50 paiyz ár balaǵa úlestiriledi. Jalpy 6,5 mln bala 18 -ge tolǵansha osy júiede bolady. Tek bir jyldyń kirisin ǵana qaramaimyz. Biz 18 jyldaǵy ortasha kiristi alamyz. Sebebi, 18 jyldyń ishindegi ár kezeńde kiris oń bolýy kerek», — degen edi ol.
Alaida bala 18-ge tolǵan soń azamattyǵyn aýystyrsa, ol bul aqshany ala almaidy.
«Bul aqsha basqa balalarǵa, jalpy Ulttyq qordyń ishinde úlestiriledi. Ulttyq qordaǵy shotynan aqshany sheship alǵanda oǵan salyq salynbaidy», — dedi Álibek Qýantyrov.
Qýantyrov munyń aldynda «bala 18 jasqa tolǵansha shotyndaǵy aqsha qunsyzdanyp ketpei me?» degen saýalǵa jaýap bergen.
«Qarajat qunsyzdanbaidy, sebebi ol dollarmen aýdarylady. Ulttyq qordaǵy qarajat 100% dollarmen saqtalady. Óitkeni, qordyń búkil aktivteri shetelde, iaǵni shetelge investitsiialanǵan. Ol da bizge yńǵaily. Sol úshin solai shottarǵa jberiletin bolady», – dep túsindirgen edi ministr.
Bul rette Prezidenttiń baspasóz hatshysy Rýslan Jeldibai da Facebook-te arnaiy jazba qaldyrǵan.
«Prezidenttiń bastamasymen Balalar jylynyń aiasynda «Ulttyq qor – balalarǵa» atty jańa baǵdarlama iske qosylady. Úkimet pen Ulttyq banktiń esebi boiynsha elimizde jyl saiyn 400 myń sábi dúniege keledi.
Ár bala 18 jasqa tolǵansha olardyń esepshotynda kemi 3 myń AQSh dollaryna teń qarajat jinalady», delingen onyń jazbasynda.
https://dalanews.kz/saraptama/85988-ulttyq-qor-balalarga-bagdarlamasy
