AQSh-tyń biýdjetinen qarjylandyrylatyn «Azattyq radiosynyń» 36 jýrnalisine QR Syrtqy ister ministrligi akkreditatsiia bermei qoiypty. Osy aqparatty esitken jurt «Azattyq» jabylatyn boldy» dep dúrligip júr. Bul dúrligý beker endi... 2022 jyldyń basynda da «Azattyqtyń» birneshe jýrnalisi akkreditatsiia ala almai qalǵan. Mundai jaǵdai Azattyq radiosynyń tájik qyzmetine, qyrǵyz qyzmetine qatysty talai márte boldy, biraq jabylyp qalǵan BAQ joq, jumysyn jalǵastyryp jatyr.
Osy tusta bir gápti aita keteiin. 2023 jyldyń 20 qyrkúieginde QR Qarjy ministrligi 240 uiym men jeke tulǵany «shetel agenti» dep jariialady. «Shetel agenti» tizimine jeke tulǵa retinde G.Kýjeeva, S.Pak, D.Egeýbaeva esimdi jýrnalisterdi, zańdy tulǵa retinde «IP Dilara Isa» («Azattyqtyń» Shymkenttegi tilshisi, «Málim Media» JShS (Málim.kz saity) sekildi birneshe BAQ-ty engizgen.
Olardyń ishinde «Azattyq radiosynyń» qazaq qyzmeti joq. Sondyqtan Qazaqstan biligi «Azattyqty» jabý úshin shuǵyl áreketke kóshti» dep dabyl qaǵý beker.
«Azattyqtyń» naqty qojaiyny – AQSh memdepartamenti. Syrtqy saiasatpen shuǵyldanatyn bul departamenttiń qazirgi basshysy – Entoni Blinken.
QR Syrtqy ister ministrligi men AQSh memdepartmenti álemdik saiasatta áldebir másele boiynsha mámilege kele almai jatqan siiaqty. Syrtqy saiasatpen shuǵyldanatyn eki vedomstvonyń arasyndaǵy osy itiń-qyrjyńnyń kúrmeýi búgin bolmasa da erteń sheshiletini anyq. Sonda bári retteledi.
Al ázirge «Oibai da, oibai, demokratiianyń qarlyǵashy «Azattyqty» jaýyp tastaityn boldy» dep aiqaiǵa basý erte siiaqty...
Onyń ústine, «Azattyq – demokratiia printsipine adal BAQ» degen tezis tym ushqary. Shetelge qashyp ketken Muhtar Ábiliazov «Azattyqta» Aqordanyń agentteri tolyp júr, olar demokratiiaǵa emes, Aqordaǵa qyzmet etedi» dep talai márte aiypty sóz aitqan.
Oralmandardyń lideri Serikjan Bilásh te «Aqordanyń jansyzy» dep birneshe márte osy «Azattyqty» aiyptady ǵoi. Al «Azattyqtyń» eks-jýrnalisi Ásem Toqaeva Aqordanyń múddesine qyzmet etetin jýrnalisterdi basqa uryp turyp sanamalap, «Azattyqta» jariialanǵan ondaǵan maqalanyń qandai maqsatta jazylǵanyn dáleldep berdi.
Al keibir jýrnalister «Azattyq radiosyna» dini sekta synalap kirip, ornyǵyp alǵany jóninde birneshe zertteý materialyn jariialaǵan. Osy jaǵdaidyń bárin kórip-bilip otyryp «Azattyq» – demokratiianyń qarlyǵashy» dep qalai aitamyz?!.
Oraz ÁLIMBEK
