"Ulttyq múddeni umytyppyn". Aqaev týǵan halqynan keshirim surady (video)
Aqaevtyń aitýynsha, 1992-93 jyly "Qumtór" altyn kenishi boiynsha kelisimge qol qoiylǵan sátte qyrǵyz biligi ulttyq múddelerdi umytyp, kanadalyq kompaniiaǵa kóp jeńildik jasaǵan.
"Bul qylmys! Buǵan sol tustaǵy qyrǵyz úkimeti ǵana kináli emes, el ekonomikasy men ekologiiasyna orny tolmas ziian keltirgen kelisim úshin myna men de jaýaptymyn.
Qatelik jibergenimdi moiyndaimyn jáne sol úshin de kúlli qyrǵyz halqynyń aiaǵyna jyǵylyp keshirim suraimyn.
"Qumtór" jobasy boiynsha qyrǵyz halqynyń senimin aqtai almadyq. Úkimet tarapynan júieli ári tiisti baqylaý júrgizilmedi, sonyń saldarynan kanadalyq investorlarǵa kenishti tolyq iemdenýge múmkindik berip qoidyq.
Meniń esebim boiynsha qyrǵyz halqy kenishtiń 40 paiyzyna ielik etýi kerek edi, alaida Úkimet qol qoiǵan qujatta tek 33 paiyz dep kórsetilgen. Bul olarǵa orasan zor paida ákelgenimen, Qyrǵyzstan ekonomikasy úshin túkke turǵysyz dividendter men ekologiialyq zardaptardyń jyldan jylǵa ósýine ákeldi", - dedi Aqaev.
Aita ketelik, osyǵan deiin Qyrǵyzstannyń eks-prezidenti Asqar Aqaevtyń Bishkekke ushyp kelgenin habarlaǵan bolatynbyz.
Japarov biligi Aqaevty 1992 jyly "Qumtor" jobasy boiynsha bas kelisimdi bekitý kezinde sybailas jemqorlyqqa bardy dep aiyptady.
2005 jyldyń naýryzynda bolǵan tóńkeristen keiin Aqaev Máskeýge ketip, sonda jumys istedi. Burynǵy prezident sodan beri óz elinde bolmaǵan edi.
https://youtu.be/XBj9Pmb1ZK4
https://dalanews.kz/minez/14019-as-ar-a-aev-ksro-ny-sa-tap-alu-kerek
