Jumysshy mamandyqtar jyly aiasynda Almaty qalasy Týrizm jáne qonaqjailylyq indýstriiasy kolledji bazasynda I Respýblikalyq «Ulttyq dám festivali» baiqaýy ótti, – dep habarlaidy Dalanews.kz
Festivalge áleýmettik seriktester, Almaty, Taraz qalalarynan, sondai-aq Almaty jáne Jambyl oblystarynan kelgen kolledj stýdentteri, óndiristik oqytý sheberleri men oqytýshylar qatysty. Baiqaýǵa jalpy sany 60-qa jýyq qatysýshy jinaldy, al is-sharany 50-den astam qonaq tamashalady.
Týrizm jáne qonaqjailylyq indýstriiasy kolledjiniń direktory, baiqaýdyń uiymdastyrýshylarynyń biri Jabyqbaev N.J. sharanyń mańyzdylyǵyn atap ótti:
«Sharanyń maqsaty — aspazdyq óner salasyndaǵy jumysshy mamandyqtardy nasihattaý, qazaq ulttyq taǵam dástúrlerin jańǵyrtý men saqtaý, sondai-aq aspaz mamandyǵynyń bedelin arttyryp, jas mamandardyń shyǵarmashylyq áleýetin damytý».
Baiqaýdyń basty maqsaty — qazaq ulttyq ashanasynyń ǵasyrlar boiy qalyptasqan dástúrlerin saqtaý jáne keńinen nasihattaý, umyt qalǵan taǵam túrlerin qaita jańǵyrtý jáne eldiń mádeni murasyn kórsetetin zamanaýi jańa taǵamdar jasaý boldy. Qatysýshylar ulttyq gastronomiiaǵa, mádeniet pen salt-dástúrge qyzyǵýshylyqty arttyrýǵa, sondai-aq «ásip», «janyshpa», «mi shujyq», «quiryq baýyr», «jent», «balqaimaq», «ýyz», «quimaq» syndy umyt bola bastaǵan taǵamdardy jańasha túrde usynýǵa tyrysty. Baiqaý sonymen qatar qazaq taǵamdaryn týrister arasynda keńinen tanytýǵa, ony meiramhana indýstriiasynda ilgeriletýge jáne aspazdyq óner salasynda ozyq tájiribe almasýǵa yqpal etti.
Baiqaýǵa qatysýshylardyń biri, Taraz servis jáne tehnologiia kolledjiniń oqytýshysy Qurmanalieva M.Z. shara týraly óz pikirin bólisti:
«Biz – óndiristik oqytý sheberleriniń komandasy, Taraz qalasynan keldik. «Jańdanǵan ulttyq dám» nominatsiiasy boiynsha qatysyp otyrmyz. Baiqaýǵa daiyndyq barysynda biz ulttyq dástúrlerimizdi zerttep, meiramhana mázirine engizýge bolatyn, zamanaýi úlgide daiyndalǵan taǵamdar ázirledik. Bul taǵamdar tek otandastarymyzǵa ǵana emes, sonymen qatar elimizdiń qonaqtary men týristerine de unaidy dep oilaimyz».
Baiqaý jumystaryn baǵalaýmen aspazdyq óner men kásibi bilim berý salasyna mamandanǵan tájiribeli shef-aspazdar, meiramhana biznesiniń ókilderi, oqytýshylar, sondai-aq WorldSkills chempionatynyń halyqaralyq jáne ulttyq sarapshylary kiretin bilikti qazylar alqasy ainalysty. Baiqaý qorytyndysy boiynsha jeńimpazdar diplomdarmen jáne baǵaly syilyqtarmen marapattaldy.
