Eńbek jáne halyqty áleýmettik qorǵaý vitse-ministri Viktoriia Shegai dekrettik tólemderdi zańsyz alǵan azamattarǵa eshqandai jeńildik jasalmaitynyn málimdedi. Onyń aitýynsha, zańsyz tólengen qarajat tolyq kólemde memleket biýdjetine qaitarylýy tiis, dep habarlaidy dalanews.kz.
Buǵan deiin ministrlik quqyq qorǵaý organdarymen birlesip dekrettik tólemderdi alaiaqtyq jolmen rásimdeý shemasyn anyqtaǵan. Tergeý málimetinshe, keibir áielder jalǵan kásiporyndarǵa jumysqa ornalastyrylyp, olardyń jalaqysy jasandy túrde birneshe ese kóterilgen. Sonyń nátijesinde memleketten eń joǵary mólsherdegi áleýmettik tólemderdi alý múmkindigi jasalǵan.
