Qaraǵandy oblysynda qarjy piramidalaryn qurý jáne olarǵa basshylyq etý faktileri boiynsha 3 qylmystyq is tirkeldi. Aldyn ala málimetter boiynsha zańsyz shemaǵa 400-den astam salymshy tartylǵan, dep habarlaidy dalanews.kz.
Buǵan deiin, 2025 jyly 4 sotqa deiingi tergep-tekserý tirkelgen. Zańsyz qyzmettiń saldarynan 50-den astam azamat zardap shegip, keltirilgen jalpy zalal 67 million teńgeden asty.
Mysaly, Qaraǵandy oblysynyń aýmaǵynda áreket etken «Takorp» qarjy piramidasy.
Uiymdastyrýshylar azamattardy qarajat salynǵan somanyń 100 paiyzyna deiin jyldam tabys tabýǵa bolady degen ýádemen tartqan. Syiaqy mólsheri jańa qatysýshylardy tartýǵa jáne olardyń júiedegi belsendiligine bailanysty bolǵan.
Tergeý barysynda kúdiktilerden 32 myń AQSh dollarynan astam somaǵa kriptovaliýtaǵa tyiym salyndy.
Sot úkimimen azamat «M» Qazaqstan Respýblikasy Qylmystyq kodeksiniń 217-baby 2-bóliginiń 1) jáne 4) tarmaqtary boiynsha kinálidep tanylyp, oǵan 3 jyl 6 ai merzimge bas bostandyǵynan aiyrý jazasy taǵaiyndaldy (úkim zańdy kúshine engen joq).
