Memlekettik qoldaýǵa ie bolyp, kezinde kómek aqsha alǵan bankterge MRT-ny óz balanstaryndaǵy memlekettik qoldaý somasynyń 10%-na deiin arttyrýǵa májbúr etpek, dep jazady Dalanews.kz.
"2025 jylǵy 1 qańtarǵa deiin balansynda memlekettik kómek aqshaǵa ie qazaqstandyq bankter eń tómen rezervtik talaptardy (MRT) memlekettik qoldaý somasynyń 10% kólemine deiin ulǵaitýǵa májbúr bolady. Biraq bul kórsetkishtiń ózi Ulttyq Banktiń burynǵy josparyndaǵydan áldeqaida kem", dep jazady Rýchnaia ekonomika Telegram arnasy.
Bir qyzyǵy, buǵan deiin bul rette basqa tsifr aitylyp kelgen, iaǵni 10 emes 75 paiyz degen.
"Bankter úshin eń tómen rezervtik talaptar mindettemelerindegi qaitarýǵa jatatyn memlekettik qoldaý qarajaty somasynyń (syiaqyny eseptemegende negizgi borysh somasy) 75% - na teń somaǵa ulǵaitýdy usynady" delingen buǵan deiingi qujat jobasynda.
Al Ulttyq bank basshysy Timýr Súleimenov bankterdi qarajatty tezirek qaitarýǵa yntalandyrǵysy keletindigin aityp, tipti boryshkerlermen keibir qupiia kelissózder júrgizip jatqanyn da málimdegen. Soǵan qaramastan onyń vedomstvosy memlekettik kómektiń 10%-na kelisken.
Aita ketsek, memleket aldyndaǵy eń iri boryshker trilliondaǵan qaryzǵa ie Alatau City Bank bolyp tabylady, 214,1 mlrd teńge somasymen ekinshi orynda RBK Banki tur.
Demek, mundaida balansynda memlekettik qoldaý aqshasy bar bankterge rezervte basqalaryna qaraǵanda kóbirek aqsha ustaý mindettelip, burynǵysyna qaraǵanda tabysy shektelý qaýpi týyndaidy. Sondyqtan olar qaryz aqshany tezirek memleketke qaitarýǵa yntaly bolmaq.
2025 jyly 12 tamyzda QR Ulttyq Banki infliatsiiany tejep ustaý maqsatynda ekinshi deńgeidegi bankter úshin eń tómen rezervtik talaptardy (ETRT) arttyratynyn málimdedi. Onda da teńgedegi mindettemeler boiynsha – 3,5% jáne 5%, valiýtalyq mindettemeler boiynsha – 10% jáne 15%. Ulttyq Banktiń basty maqsaty – infliatsiiany 5%-ǵa deiin tómendetý delindi sol kezde. Ekonomist Eldar Shamsýtdinov QR Ulttyq Banki eń tómen rezervtik talaptar mólsherlemesin joǵarylatý arqyly bankterdi nesiege berýdiń ornyna rezervte kóbirek aqsha ustaýǵa májbúr etetinin naqtylady. Mundai shara, ádette ekonomikadaǵy aqsha mólsherin shektep ustaýǵa múmkindik beredi. Bul sheshim naryqqa birden áser etti. 13 tamyzda 1 AQSh dollarynyń baǵamy 542,66 teńgeden 537,96 teńgege deiin kúrt tómendedi. Quldyraý 4,7 teńgeni nemese 0,86% qurady.
2025 jylǵy 11 tamyzda Bank TsentrKredit (BTsK) Qazaqstannyń bank sektorynyń qarjylyq turaqtylyǵyn arttyrý baǵdarlamasy aiasynda memleketten alynǵan 30 mlrd teńgeni merziminen buryn qaitarǵany habarlanǵan.
