Ulttyq Bank Ulttyq qordyń aktivterin basqarý tiimdiligin arttyrýǵa jáne investitsiialaý quraldaryn ártaraptandyrýdy jaqsartýǵa baǵyttalǵan qujat jobasyn ázirleýde. Osylaisha Ulttyq Bank Ulttyq qor aqshasyn taǵy bir baǵytqa investitsiialaýdan úmitti. Atap aitqanda, tabysy qunymen birge ósip otyratyn baǵaly qaǵazdarǵa, dep habarlaidy Dalanews.kz.
Retteýshi organ damyǵan elderdiń memlekettik obligatsiialar portfeli aiasynda Ulttyq qor qarajatyn infliatsiialyq indekstelgen memlekettik baǵaly qaǵazdarǵa investitsiialaý múmkindigin qarastyrmaq.
Ol úshin tiisti ICE BofA Global Inflation-Linked Government Index keńeitilgen indeksi tańdaldy. Ol damyǵan elderdiń memlekettik infliatsiialyq indekstelgen obligatsiialaryn qamtidy jáne obligatsiialardyń osy túrine áldeqaida qolaily sanalady.
Infliatsiialyq indekstelgen memlekettik baǵaly qaǵazdar – bul nominaldy quny tutyný baǵasynyń ósýine bailanysty ózgeretin memlekettik obligatsiialar. Al kýpondyq tólemder osy túzetilgen qun negizinde esepteledi.
Ulttyq Bank turaqty kiristiligi bar memlekettik baǵaly qaǵazdardan aiyrmashylyǵy, mundai obligatsiialar investitsiialardyń satyp alý qabiletin jáne kiristi naqty mánde saqtaýdy qamtamasyz etetinin naqtylaidy.
Defliatsiia kezinde, ádette, bul qaǵazdardyń nominaldy quny belgilengen shekten tómen túspeidi, bul bastapqy investitsiialardyń saqtalýyna kepildik beredi. Osylaisha, usynylǵan ózgertýler turaqtylyqty arttyrýǵa jáne uzaqmerzimdi perspektivada Ulttyq qordyń kiristiligin qamtamasyz etýge múmkindik beredi.
Qaýly jobasy qoǵamdyq talqy úshin "Ashyq NQA" portalyna ornalastyryldy.
