Qazaqstan Ulttyq banki eldiń iri qalalaryndaǵy turǵyn úi baǵasynyń qalyptasýyna áser etetin negizgi faktorlarǵa taldaý jasady. Zertteý nátijesine sáikes, baspana naryǵyndaǵy baǵa aiyrmashylyǵy kóbine ornalasqan jerdiń artyqshylyqtary men turǵyn úidiń sapalyq sipattamalaryna bailanysty qalyptasady. Bul óz kezeginde investitsiialyq belsendiliktiń eń tartymdy aýdandar men naryq segmentterine shoǵyrlanǵanyn kórsetedi, dep habarlaidy Dalanews.kz.
Astana
Astanada páterdiń sol jaǵalaýda ornalasýy bir sharshy metrdiń baǵasyn orta eseppen 11,3%-ǵa qymbattatady. Al ózen jaǵalaýyna (1 km radiýsta) jaqyn ornalasqan turǵyn úilerdiń baǵasy shamamen 10,4%-ǵa joǵary. Kerisinshe, saiabaqtardan 1 shaqyrymnan artyq qashyqta ornalasqan páterlerdiń quny orta eseppen 10,5%-ǵa tómendeidi. Sondai-aq iri saýda-oiyn-saýyq ortalyqtaryna jaqyndyq ta baǵanyń ósýine yqpal etedi.
Páterdiń tehnikalyq sipattamalary da baǵaǵa aitarlyqtai áser etedi. Mysaly, tóbe biiktiginiń árbir 1 metrge artýy turǵyn úi qunyn orta eseppen 59,2%-ǵa ósiredi. Al 2026–2028 jyldary paidalanýǵa beriletin úilerdegi páterler daiyn turǵyn úilermen salystyrǵanda shamamen 15,7%-ǵa arzan.
Burynǵy jataqhana mártebesi bar úilerdegi páterlerdiń baǵasy 13%-ǵa tómen. Al monolitti úilerdegi páterler paneldi úilermen salystyrǵanda orta eseppen 11,8%-ǵa qymbat.
Qabatqa bailanysty aiyrmashylyq asa úlken emes. Mysaly, sońǵy qabattaǵy páterlerdiń baǵasy 6,2%-ǵa, birinshi qabattaǵylar 4,8%-ǵa tómen bolady. Sondai-aq turǵyn úidiń tozý deńgeii de baǵaǵa áser etedi: monolitti úilerdiń quny jyl saiyn 1,43%-ǵa, kirpish úiler 0,38%-ǵa, al paneldi úiler 0,23%-ǵa tómendeýi múmkin.
Almaty
Almatyda páter baǵasyna eń aldymen ornalasqan jeri áser etedi. Mysaly, Ál-Farabi dańǵylynan joǵary ornalasqan turǵyn úilerdiń baǵasy orta eseppen 20,6%-ǵa qymbat.
Al metro stantsiiasynan 2 shaqyrymnan alys ornalasqan páterlerdiń quny shamamen 6,2%-ǵa tómen bolady. Sonymen qatar qaladaǵy ákimshilik aýdandarǵa bailanysty baǵa aiyrmashylyǵy da aitarlyqtai baiqalady.
Páterdiń tehnikalyq sipattamalary da mańyzdy. Tóbe biiktiginiń árbir 1 metrge ósýi turǵyn úi baǵasyn shamamen 31,2%-ǵa arttyrady. Al 2026–2028 jyldary paidalanýǵa beriletin jańa úilerdegi páterler daiyn turǵyn úilermen salystyrǵanda 11,6%-ǵa arzan.
Qurylys materialyna bailanysty da aiyrmashylyq bar. Kirpish úilerdegi páterler paneldi úilermen salystyrǵanda orta eseppen 4,7%-ǵa qymbat, al monolitti úilerdegi páterler 3,2%-ǵa joǵary baǵalanady.
Qabatqa bailanysty baǵa aiyrmashylyǵy da baiqalady: sońǵy qabattaǵy páterlerdiń baǵasy 4,8%-ǵa, birinshi qabattaǵy páterler 2,5%-ǵa tómen. Burynǵy jataqhana mártebesi bar úilerdegi páterlerdiń quny shamamen 2,8%-ǵa tómen.
Turǵyn úidiń eskirýine bailanysty baǵa ózgerisi de ártúrli. Mysaly, paneldi úiler jyl saiyn shamamen 0,17%-ǵa, al monolitti úiler 0,46%-ǵa arzandaýy múmkin.
