Úkimettiń respýblikalyq biýdjetke transfertter bólýge arnalǵan aldyn ala boljamdy ótinimderi boiynsha tamyzda Ulttyq Bank Ulttyq qordan 500 mln dollarǵa deiin kólemde valiýta alyp, satpaqshy. Sonymen qatar altynmen bailanysty "shaǵylystyrý" operatsiiasy aiasynda shamamen 290 mlrd teńgeniń valiýtasyn satý josparlanǵan, dep habarlaidy Dalanews.kz.
Retteýshi organ málimetinshe, máselen shildede Ulttyq qordan 700 mln AQSh dollar kóleminde valiýta satyldy. Bul respýblikalyq biýdjetke transfertter bólýdi, sondai-aq "Taldyqorǵan-Úsharal" magistraldyq gaz qubyryn salý jónindegi infraqurylymdyq jobany qarjylandyrýdy qamtamasyz etýge múmkindik berdi. Ulttyq qordyń satý úlesi jalpy saýda kóleminiń 12%-yn nemese kúnine shamamen 32 million AQSh dollaryn qurady.
Sol sekildi "shaǵylystyrý" operatsiiasy aiasynda shildede 290 mlrd teńge alynǵany da belgili.
"Kvazimemlekettik sektor sýbektileriniń valiýtalyq túsimniń bir bóligin mindetti satý normasy aiasynda ótken aidyń qorytyndysy boiynsha valiýtalyq túsimdi satý kólemi shamamen 450 mln AQSh dollaryn qurady. BJZQ zeinetaqy aktivteriniń valiýtalyq úlesin uzaq merzimdi kezeńde keminde 40% deńgeiinde ustap turý maqsatynda Ulttyq Bank shilde aiynda birja saýda-sattyǵynda shetel valiýtasyn satyp aldy, onyń jalpy somasy 35 mln AQSh dollaryn nemese jalpy saýda-sattyq kóleminiń shamamen 0,6%-yn qurady", delingen Ulttyq Bank túsiniktemesinde.
Alaida aǵymdaǵy aqsha baǵamy deńgeiinde BJZQ valiýta úlesiniń 40%-dan asýyna bailanysty tamyz aiynda BJZQ zeinetaqy aktivteri esebinen valiýta satyp alý josparlanbaǵan.
