QR Ulttyq Banki el azamattaryn saq bolýǵa shaqyrady, sebebi alaiaqtar jalǵan qujattar men rekvizitterdi, sondai-aq jalǵan mobildi qosymshalar men áleýmettik jelidegi paraqshalardy paidalanyp, jurtty aldaýǵa kóshken. Alaiaqtardyń kózdeitini – azamattardyń jeke shotyna, depozitine, aqsha aýdarymdaryna qol jetkizý jáne atyna onlain nesie nemese mikrokredit rásimdeý ekenin taǵy da eskertiledi, dep habarlaidy Dalanews.kz.
"Olar ózin Ulttyq Banktiń, memlekettik nemese quqyq qorǵaý organdarynyń, ekinshi deńgeili bankterdiń, uialy bailanys operatorynyń nemese kommýnaldyq qyzmettiń qyzmetkerimiz dep tanystyrýy múmkin. Sondai-aq, azamattarǵa túrli syltaýmen habarlasyp, jalǵan qujattar men bankke aqsha aýdarýǵa arnalǵan rekvizitter jiberýi yqtimal. Alaiaqtar sizge kelgen SMS-habarlamany, rastaý kodyn jiberýdi, kúmándi siltemelerge kirip, túrli qosymshalardy júktep alýdy nemese messendjerdegi jańa fýnktsiialardy iske qosýdy suraidy. Onyń bári – telefonyńyzdaǵy barlyq aqparatqa tolyq qol jetkizý úshin jasalatyn qýlyq. Sol sebepti Qazaqstan Ulttyq Banki azamattardy barynsha saq bolýǵa shaqyrady. Kez kelgen qońyraý, hat, habarlama nemese suraý salǵan kezde onyń ras-ótirigin mindetti túrde tekserip alǵan jón. Kúmándi siltemelerge ótpeńiz, ózińiz bilmeitin qosymshalardy telefonǵa júktemeńiz jáne beitanys adamdardyń shotyna aqsha aýdarmańyz", delingen ortalyq bank habarlamasynda.
Ulttyq Bank qyzmetkerleri jeke tulǵalarǵa eshqashan aýdio jáne videoqońyraý shalmaidy, jeke shottaryn júrgizbeidi, qandai da bir investitsiialyq qorlarǵa nemese qarjy ónimderine investitsiia salýǵa shaqyrmaidy, qarajat kózin saqtandyrmaidy jáne halyqpen aqshalai esep aiyryspaidy – osyny árdaiym este ustaǵan durys.
Eger alaiaqtarǵa tap bolsańyz, dereý Qazaqstan Respýblikasynyń quqyq qorǵaý organdaryna júginip, aryz jazýǵa keńes beremiz.
Qosymsha keńes alý úshin 1477 qysqa nómiri arqyly Ulttyq Banktiń Bailanys ortalyǵyna habarlasa alasyz.
