Ulttyq bank teńge baǵamyn turaqtandyrý úshin valiýtalyq interventsiialar júrgizýi múmkin. Sarapshy maman munyń neni bildiretinin túsindirdi, dep habarlaidy Dalanews.kz.
Retteýshi organ ulttyq valiýta baǵamynyń búgingi shamadan tys qubylmaly qubylysy fýndamentaldy faktorlarǵa negizdelmegen dep sanaidy.
"Munyń sebebi biýdjet shyǵystarynyń, sondai-aq memlekettik kompaniialardyń infraqurylymdyq jáne investitsiialyq jobalarǵa qatysty shyǵyndarynyń artýyna bailanysty shetel valiýtasyna degen suranystyń artýy bolyp tabylady", dep málimdedi Ulttyq bank tóraǵasynyń orynbasary Áliia Moldabekova.
Ol BJZQ úshin KASE birjasynda dollardy satyp alý protsedýrasy toqtatylǵanyn málimdep (aldynda jariialanǵan kólemge qol jetkizildi), eger jaǵdai turaqtanbasa, valiýtalyq interventsiialardyń júrgizilýin de joqqa shyǵarmady.
Bul aitylǵandardy negizge alǵan ekonomist Ǵalymjan Aitqazin Telegram arnasynda: "Búgin tańerteń teńge baǵamy odan ári álsirep, AQSh dollarynyń quny 500 teńgege qarai bet aldy" dep jazdy.
"...Ulttyq bank tóraǵasynyń orynbasary Áliia Moldabekova BJZQ-nyń valiýtalyq úlesin 40% deńgeiinde arttyrý boiynsha alǵa qoiylǵan mindet aktivter qunynyń ósýi aiasynda oryndalǵanyn, iaǵni retteýshi zeinetaqy aktivteriniń investitsiialyq portfeli úshin dollar satyp alýdy doǵara turatynyn aitty. Sondai-aq, Ulttyq bank eger jaǵdai turaqtanbasa, valiýtalyq interventsiialar júrgizýdi joqqa shyǵarmady. Osylaisha, BJZQ úshin AQSh dollaryn satyp alýdy doǵara turatyndaryn aitqan Ulttyq bank valiýta naryǵynyń úlken oiynshysy retinde teńge baǵamyn álsiretýshi faktorlardyń biri joiylǵanyn ańǵartty", - deidi ekonomist.
Soǵan qaraǵanda aldaǵy kúnderi bir apta boiy aqyryndap joǵarylaýmen bolǵan dollar baǵamy ekpinin basatyn sekildi.
Aita ketsek, kúni keshe Ulttyq ekonomika vitse-ministri Arman Qasenov bir apta boiy qunsyzdanyp jatqan "ulttyq valiýtanyń baǵamy turaqty" dep, synǵa qalyp edi.
