Ulttyq Bank 5 maýsymda aqsha-nesie saiasatynda mańyzdy ról atqaratyn bazalyq mólsherlemege qatysty sheshim qabyldaýy tiis. Bul rettegi sarapshylardyń basym bóligi bazalyq mólsherleme qazirgi deńgeiinde saqtalatynyn boljaidy, dep habarlaidy Dalanews.kz.
LS basylymy júrgizgen saýalnamaǵa qatysýshy naryq mamandary bazalyq mólsherlemeniń qazirgi 16,5% deńgeiinde saqtalady dep sanaidy.
Degenmen Qazaqstan qarjygerleri qaýymdastyǵynyń bas sarapshysy Ramazan Dosov Ulttyq Banktiń aldaǵy otyrysy erekshe sipatqa ie ekenin, óitkeni onda jańartylǵan makroekonomikalyq boljamdar usynylatynyn atap ótti.
Onyń pikirinshe, mamyr aiyndaǵy infliatsiia óte mańyzdy rólge ie. Sondai-aq, ol ótken tórt aida jinaqtalǵan infliatsiia Ulttyq Banktiń boljamyndaǵy tómengi dálizdiń teń jartysyn (5,16%) quraitynyn atap ótti. Bul retteýshi organdy stavkany kóterýge itermeleýi múmkin.
Biraq "Sentras Sekiýritiz" sarapshylary mamyr aiynda infliatsiia qandai bolmasyn, bazalyq mólsherleme sol kúiinde saqtalady dep bajailaidy. Sondai-aq olar ai saiynǵy infliatsiia qarqyny ázirge "maqsatty deńgeige sáikes keletin traektoriiadan" aitarlyqtai joǵary ekenin de atap ótti. Negizgi stsenariide "Sentras Sekiýritiz" 2025 jyldyń sońyna qarai baǵanyń 12-14%-ǵa ósetinin boljaidy. Munai baǵasynyń odan ári tómendegen jaǵdaida jyldyq infliatsiia 16-18%, al bazalyq mólsherleme 17-19% jetýi yqtimal.
Aita ketsek, 1 sáýirde ótken otyrysta Ulttyq Bank bazalyq mólsherlemeni 16,5% deńgeiinde saqtap qalǵan bolatyn.
