Ulytaý oblysynyń Qarajal qalasynda turǵyndar eki táýlikten beri elektr jaryǵysyz otyr. Sonyń saldarynan qalada kommýnaldyq daǵdarys týyndap, turǵyn úilerde jylý júiesi istemei qalǵan, dep habarlaidy Dalanews.kz Halyqstan-ǵa silteme jasap.
Qaladaǵy jekemenshik úilerdiń basym bóliginde jylý berý júiesi elektr sorǵylaryna tikelei táýeldi. Elektr jaryǵy óshken soń úiler sýyp ketken. Qarajaldyqtar túnde de, kúndiz de qalyń kiimmen júrýge, al jylyný úshin gaz plitalaryn paidalanýǵa májbúr bolyp otyr.
Apattyń sebebi
Kommýnaldyq kollapsqa «Vest-2001» JShS-ne tiesili elektr jelisiniń qosalqy stantsiiasynda elektr berý jelisiniń symy úzilýi sebep bolǵan.
Bilik ne deidi
Jergilikti atqarýshy organdar elektrmen jabdyqtaýdy qalpyna keltirý jumystary júrgizilip jatqanyn málimdedi. Alaida qazirgi ýaqytta qalada shamamen 400 úi jaryqsyz qalyp otyr.
Apat saldaryn joiý jumystaryn úilestirý úshin oqiǵa ornyna Ulytaý oblysy ákiminiń orynbasary Ulantai Úsenov barǵan.
"Apattyq-qalpyna keltirý jumystary elektrikter tarapynan 18 jeltoqsan kúni tańǵy 05:00-ge deiin júrgizildi. Nátijesinde elektrmen jabdyqtaý ishinara qalpyna keltirildi.
Qazirgi ýaqytta 385 abonent elektr qýǵynsyz otyr. Onyń ishinde 380-i - jeke turǵyn úiler, 5 áleýmettik nysan: ákimdik, «Qazposhta» ǵimaraty, Mádeniet úii jáne №1 mektep.
Jóndeý jumystaryna 8 elektrik pen 4 birlik arnaiy tehnika jumyldyryldy", - dep habarlady Ulytaý oblysy ákimdiginiń baspasóz qyzmeti.
Bilik ókilderi jaǵdai baqylaýda ekenin aityp, elektr energiiasy tolyq qalpyna keltirilgenshe jóndeý jumystary jalǵasatynyn jetkizdi.
