Ulytaý oblysynda 15 sheneýnik jaýapqa tartyldy, dep habarlaidy Dalanews.kz.
Mamandandyrylǵan tabiǵat qorǵaý prokýratýrasy júrgizgen taldaý qorytyndysy boiynsha, óńirde I jáne II sanattaǵy 66 operatordyń óndiristik ekologiialyq baqylaý nátijelerine qatysty esepterdi usynbaýynyń 125 faktisi anyqtaldy. Olardyń qatarynda jer qoinaýyn paidalanýshylar, kommýnaldyq kásiporyndar, aýyldyq okrýgteri ákimderiniń apparattaryna tiesili qatty turmystyq qaldyqtar poligondary jáne taǵy basqalary bar.
Osynyń saldarynan ýákiletti organ óńirdegi ekologiialyq jaǵdaidy obektivti baǵalai almai otyr.
Atalǵan faktiler boiynsha prokýratýra Ulytaý oblysy Jańaarqa aýdanynyń 11 aýyldyq okrýg ákimderine qatysty 20 ákimshilik quqyqbuzýshylyq týraly is qozǵady. Qazir prokýratýranyń qadaǵalaý aktisi boiynsha Ekologiia departamenti qalǵan tabiǵat paidalanýshylardy ákimshilik jaýaptylyqqa tartý boiynsha sharalar qabyldap jatyr, – delingen prokýratýra habarlamasynda.
Budan basqa, «Prokýratýra týraly»Konstitýtsiialyq zańnyń talaptaryn buzǵany úshin («Prokýrordyń zańdy talaptaryn oryndamaý», «Prokýrordy habardar etpeý» jáne «Prokýrorlyq qadaǵalaý aktilerinde kórsetilgen zańbuzýshylyqtardy joiýǵa sharalar qoldanbaý») Ulytaý oblysynyń Ekologiia departamentiniń, veterinariia, kásipkerlik jáne ónerkásip basqarmalarynyń basshylary ÁQBtK-niń 664, 665, 666-baptary boiynsha jaýaptylyqqa tartyldy.
Búginde kinálilerge salynǵan 4,6 mln teńge aiyppul tolyq óndirildi.
