Ulybritaniia alty qazaqstandyq kompaniiaǵa qarsy jańa sanktsiialar engizdi. Bul aqparat Ulybritaniianyń memlekettik saitynda paida bolǵan, - dep habarlaidy Dalanews.kz KazTAG basylymyna siltep.
"Ulybritaniia Resei áskeri-ónerkásiptik keshenine jáne Resei qoldaityn jaldamaly toptarǵa qarsy jańa sanktsiialar engizilgenin jariialady", - dedi Ulybritaniianyń Syrtqy ister ministrligi.
Tizim alty qazaqstandyq kompaniiany qosa alǵanda, 56 kompaniiadan turady:
-
Seanex group limited liability partnership
-
Kazstanex limited liability partnership
-
Zapchasttrade LLP
-
Rabadaziya LLP
-
Cps energy LLP
-
TOO Tawkz
Basylym málimetinshe, bul kompaniialardyń zańdy tulǵalary Qazaqstanda ornalasqan.
Aqparatta bul stanoktar, mikroelektronika, ushqyshsyz ushý apparattaryna arnalǵan komponentter, moiyntirekter jáne Reseidiń áskeri-ónerkásiptik keshenine arnalǵan basqa da taýarlardy jetkizýshiler ekeni kórsetilgen.
KAZSTANEX-ke qarsy AQSh Qarjy ministrligi tarapynan da sanktsiialar salynǵan.
"Ulybritaniia sanktsiia tizimindegi Qytai, Túrkiia jáne Ortalyq Aziiada ornalasqan kásiporyndar Ýkrainaǵa basqynshylyq jasaǵan Reseidiń áskeri ónerkásibine qajet taýarlar (stanok, mikroelektronika jáne dron komponentteri) jetkizýmen jáne shyǵarýmen ainalysady dep málimdedi.
London bul sanktsiia Ýkrainada zańsyz soǵys júrgizip jatqan Reseidi mańyzdy resýrstardan aiyryp, múmkindigin shekteidi dedi. AQSh jaqynda Kazstanex kompaniiasyna sanktsiia salǵan. Vashingtonnyń málimetinshe, Kazstanex Ózbekstandaǵy bólimshesi – Uzstanex firmasymen birge Reseige satýǵa, jetkizýge tyiym salynǵan stanoktardy Eýropadan alyp, qytailyq Shanghai Winsun kompaniiasy arqyly Reseige jóneltip otyrǵan.
Uzstanex te Ulybritaniia sanktsiiasyna ilikti", - dep jazylǵan "Azattyq" dereginde.
