Ulybritaniia úkimeti balalardyń áleýmettik jelilerge qoljetimdiligin qatań shekteýge baǵyttalǵan sharalar daiyndap jatyr. Tiisti zań 2026 jyly kúshine enýi múmkin, dep habarlaidy Dalanews.kz.
The Times basylymynyń málimetinshe, talqylanyp jatqan bastamalardyń qatarynda 16 jasqa tolmaǵan jasóspirimderge áleýmettik jelilerdi paidalanýǵa tyiym salý, telefondy belgili bir ýaqyt aralyǵynda qoldanýdy shekteý, sheksiz lenta ainaldyrýdy (endless scroll) toqtatý jáne chat-bottarmen ózara árekettesýdi retteý bar.
Sonymen qatar, tyiym salynǵan kontentke, onyń ishinde pornografiiaǵa qoljetimdilikti qiyndatý úshin VPN servisterin buǵattaý máselesi de qarastyrylyp jatyr.
Ulybritaniia premer-ministri, eki jasóspirimniń ákesi Kir Starmer tehnologiialardyń zańnamadan áldeqaida jyldam damyp jatqanyn atap ótti.
"Tehnologiialar zańnan buryn ozyp barady. Meniń úkimetim Ulybritaniiany onlain qaýipsizdik salasynda kóshbasshy elge ainaldyrady", - dedi ol.
