ۇلىبريتانيا ۇكىمەتى بالالاردىڭ الەۋمەتتىك جەلىلەرگە قولجەتىمدىلىگىن قاتاڭ شەكتەۋگە باعىتتالعان شارالار دايىنداپ جاتىر. ءتيىستى زاڭ 2026 جىلى كۇشىنە ەنۋى مۇمكىن، دەپ حابارلايدى Dalanews.kz.
The Times باسىلىمىنىڭ مالىمەتىنشە، تالقىلانىپ جاتقان باستامالاردىڭ قاتارىندا 16 جاسقا تولماعان جاسوسپىرىمدەرگە الەۋمەتتىك جەلىلەردى پايدالانۋعا تىيىم سالۋ، تەلەفوندى بەلگىلى ءبىر ۋاقىت ارالىعىندا قولدانۋدى شەكتەۋ، شەكسىز لەنتا اينالدىرۋدى (endless scroll) توقتاتۋ جانە چات-بوتتارمەن ءوزارا ارەكەتتەسۋدى رەتتەۋ بار.
سونىمەن قاتار، تىيىم سالىنعان كونتەنتكە، ونىڭ ىشىندە پورنوگرافياعا قولجەتىمدىلىكتى قيىنداتۋ ءۇشىن VPN سەرۆيستەرىن بۇعاتتاۋ ماسەلەسى دە قاراستىرىلىپ جاتىر.
ۇلىبريتانيا پرەمەر-مينيسترى، ەكى ءجاسوسپىرىمنىڭ اكەسى كير ستارمەر تەحنولوگيالاردىڭ زاڭنامادان الدەقايدا جىلدام دامىپ جاتقانىن اتاپ ءوتتى.
"تەحنولوگيالار زاڭنان بۇرىن وزىپ بارادى. مەنىڭ ۇكىمەتىم ۇلىبريتانيانى ونلاين قاۋىپسىزدىك سالاسىندا كوشباسشى ەلگە اينالدىرادى"، - دەدى ول.
