Jyl saiyn ótkizý igi dástúrge ainalǵan úlgili otbasylar baiqaýy – elimizde januia qundylyqtarynyń rólin arttyryp, otbasy men nekeniń oń imidjin dáripteitin aýqymdy da mańyzdy oqiǵalardyń biri. Konkýrsqa 10 jyl ishinde Qazaqstannyń barlyq óńirinen 20 myńnan astam otbasy qatysty.
Qazaqstan Respýblikasy Mádeniet jáne aqparat ministri, Prezident janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń tóraǵasy Aida Balaeva saltanatty sharanyń ashylý barysynda baiqaý jeńimpazdaryna Memleket basshysynyń quttyqtaýyn oqydy.
"Qurmetti qaýym! «Mereili otbasy» baiqaýynyń jeńimpazdaryn shyn júrekten quttyqtaimyn! Bul - tól qundylyqtarymyzdy dáriptep, ulttyń jańa sapasyn qalyptastyrýǵa jol ashatyn mańyzdy joba.
Ár aimaqtary ónegeli otbasylardyń baiqaýǵa belsene qatysýynan elimizde bereke-birligi jarasqan qutty shańyraq ieleri az emes ekenine kóz jetkizdik. Olardyń arasynda belgili bir mamandyqty ata kasipke ainaldyrǵan azamattardyń kóp bolýy - qýantarlyq jait.
Osyndai úlgili áýletter qoǵamda urpaqtar sabaqtastyǵyn saqtaýǵa yqpal etedi. Halqymyzda «Uiada ne kórseń, ushqanda sony ilersiń» degen jaqsy sóz bar. Otanshyldyq, bilimpazdyq, eńbekqorlyq, únemshildik, janashyrlyq, ádildik siiaqty «Adal azamatqa» tán qasietter, eń aldymen, otbasynda qalyptasady.
Ádiletti Qazaqstandy osyndai jandar qurady. Memleket otbasy institýtyn damytýǵa, ana men balany qorǵaý máselesine árdaiym airyqsha nazar aýdarady. Osy baǵytta aýqymdy ister atqarylyp jatyr. Bul jumys aldaǵy ýaqytta da jalǵasyn tabady. Ár shańyraqtyń yrysy artyp, mereii tasi bersin! Barshańyzga zor densaýlyq, baq-bereke tileimin!, - delingen Memleket basshysynyń quttyqtaý hatynda.
Biyl Konkýrsqa 3 344 otbasy qatysty. Olardyń 40% qalalyq jáne 60% aýyldyq otbasylar.
Túrli kásip pen eńbek áýletterinen quralǵan 20 otbasy – óńir jeńimpazdary atandy. Olardyń qatarynda ustazdar, qolónershiler, metallýrgter, áskeri qyzmetshiler, kásipkerler, agroónerkásip salasynyń mamandary bar.
Otbasynyń árbir múshesi – aýyldastarynyń, qala turǵyndarynyń, áriptesteriniń, kórshi-qolańnyń qurmetine bólengen, Otanyna adal qyzmet etip júrgen eńbek adamy, aýyldyń, qalanyń qarapaiym eńbekkerleri.
Marapattaý rásimine Memlekettik organdardyń ókilderi, Parlament Senaty men Májilisiniń depýtattary, Qazaqstan Respýblikasy Prezidentiniń janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń músheleri qatysty.
Laýreat otbasylar diplomdarmen jáne estelik syilyqtarmen marapattaldy. Marapattaý rásimi qazaq estrada juldyzdarynyń qatysýymen ótken merekelik kontsertpen jalǵasty.
