Bıyl Ulan aýdanyna qarasty shaǵyn ǵana Prıvolnoe aýylynan shyqqan Oraz Basarov armrestlıngý sporty boıynsha Álem chempıonatynda 55 keli salmaqta Qazaqstannyń atynan qatsyp, Altyn medalge ıe boldy. Álimniń 50 memleketi qatysqan baıraqty básekede top jarý ońaı emes.
Oraz Basarov halyqaralyq jarystarda Qazaqstanyń kók baıraǵyn jelbiretken tájirıbeli sportshy. Ol 16 ret Qazaqstan, 9 ret Azıa chempıony bolǵan. 2016 jyly Oraz Basarovqa halyqaralyq deńgeıdegi sport sheberi degen ataq berilgen bolatyn.
Osylaısha Ulan aýdanynyń týmasy Malazıa, Ózbekstan, Bolgarıa, Qyrǵyzstan, Reseı, Italıa ótken baıraqty básekelerdi el namysyn qorǵap, úzdik nátıjege qol jetkizgen.
Búginde Oraz Basarovtyń jolyn Makeevka aýylynyń týmasy Deshı Dýrsaeva jalǵap júr. Ol 50 keli salmaqta altyn medalge qol jetkizip, armrestlıng boıynsha jeti ret chempıon bolǵanyn aıta ketýimiz kerek.
Al Aıshagúl Eleýbaeva jasóspirimder Azıa chempıonatynda kúmis júldege ıe bolyp, jeńisiti joldy jalǵastyrdy. Aıshagúl Qazaqstannyń sport sheberiligine kandıdat. Onyń baǵyndyrar asýy, shyǵar bıigi áli alda desek qaterespeımiz.
Ulan aýdanynan shyqqan dańyqty sportyshylardyń qataryna djıý-djıts jekpe-jegi boıynsha Qazaqstan chempıonatynda qol júldegeri Jibek Jaqsybaıdyń úlken sporttaǵy karerasynan kóp úmit kútýge bolady.
– Qazirgi tańda Ulan aýdanyndaǵy sport mektebinde halyqaralyq deńgeıdegi 6 sport sheberi jumys isteıdi. Ákimdik aýdandaǵy sportty qoldaýǵa barynsha kómek kórsetip keledi. Osy rette aýdanymyzda ulttyq at sportynyń túrleri – kókpa, báıge, aýdaryspaq joǵary deńgeıde damyp keledi. Aýdanda halyqtyń jappaı sportpen aınalysýyna barlyq jaǵdaı jasalǵan, – deıdi aýdan ákimi Renat Qurmambaev.
