Ulan aýdanyna qarasty Qasym Qaısenov kentinde aýmaqtardy abattandyrý men kógaldandyrýǵa baǵyttalǵan respýblıkalyq «Taza Qazaqstan» ekologıalyq aksıasy bastaldy,- dep habarlaıdy Dalanews.kz

İs-shara Qazaqstan Prezıdenti Qasym-Jomart Toqaevtyń tapsyrmasyna sáıkes ótkizilip, elimizdiń barlyq óńirlerin qamtıdy.

Aksıanyń basty maqsaty - azamattardyń ekologıalyq mádenıetin arttyrý, otanshyldyq sezimi men týǵan jerge degen qurmetin qalyptastyrý. Erekshe kóńil qoǵamnyń belsendi jáne beıjaı emes bóligi sanalatyn jastardy tartýǵa bólindi.

İs-shara aıasynda Qasym Qaısenov kentinde aýmaqty tazalaý jumystary júrgizilip, 1000-nan astam aǵash kóshetteri otyrǵyzyldy. Sondaı-aq, Bozanbaı aýyldyq okrýgindegi Sibe kólderiniń jaǵalaýlarynda tazartý jáne kógaldandyrý jumystary ótti.

Aksıaǵa stýdentter, oqýshylar, eriktiler, jastar men ekologıalyq uıymdardyń músheleri - barlyǵy 130-ǵa jýyq adam qatysty. Ásirese Sársen Amanjolov atyndaǵy Shyǵys Qazaqstan ýnıversıtetiniń 30 stýdentiniń belsendiligin atap ótken jón.

Barlyq qatysýshylar qajetti qural-jabdyqtarmen, kólikpen jáne tıisti súıemeldeýmen qamtamasyz etildi. Senbilik aıaqtalǵan soń jınalǵan qoqys arnaıy polıgondarǵa tez arada shyǵaryldy.

Uıymdastyrýshylardyń aıtýynsha, mundaı sharalar ekologıalyq jaýapkershilikti tárbıeleýde jáne turǵyndardy týǵan ólkesiniń bolashaǵyna degen qamqorlyqqa biriktirýde mańyzdy ról atqarady.