Ýkrainanyń Bas prokýratýrasy Aidos Sadyqovqa qastandyq jasalý isine bailanysty sotqa deiingi tergeýdi bastady, - dep habarlaidy Dalanews.kz.
Kiev qalalyq prokýratýrasynyń is júrgizý basshylyǵymen jýrnalisti, Qazaqstan azamatyn qasaqana óltirýge oqtalý faktisi boiynsha sotqa deiingi tergeý bastalǵan (Ýkraina Qylmystyq kodeksiniń 15-babynyń 2-bóligi, 115-babynyń 1-bóligi boiynsha).
Prokýratýra málimetinshe, aldyn ala aqparat boiynsha,belgisiz bireý Sadyqov pen áieli otyrǵan kólikke kelip, qasaqana oq atyp, qashyp ketken.
Qastandyq oqiǵasy Kievtiń Shevchenkov aýdanynda erli-zaiyptylar turatyn úidiń janynda bolǵan. Sadyqov qazir aýrýhanada aýyr jaǵdaida jatyr.
"Quqyq qorǵaý organdary shabýyldaýshynyń jeke basyn anyqtaý úshin sharalar qoldanady. Sotqa deiingi tergeýdi Kiev qalasyndaǵy Ulttyq politsiia bas basqarmasynyń tergeýshileri júzege asyrady", - delingen habarlamada.
Eske salaiyq,18 maýsymda Kievte "BASE" basylymynyń basshysy Aidos Sadyqovqa qastandyq jasalǵan bolatyn.
Bul týraly ýkrainalyq BAQ-tar habarlai bastady.
"Aldyn ala boljam boiynsha, Kievte Aidos Sadyqovqa qastandyq jasaldy. Ol - qazaqstandyq jýrnalist, "BASE" oppozitsiialyq internet portalynyń basshysy. Jaǵdaiy aýyr", - dep jazylǵan "BAIRAKTAR NEWS" telegram arnasynda.
Buǵan deiin telegram arna Kievtiń Shevchenskii aýdanynda atys bolǵanyn jazǵan. Basylym málimetinshe, turaqta turǵan kólikte er adam áielimen otyrǵan. Belgisiz bireý kelip, er adamdy atyp jiberip, qashyp ketken. Áiel adam jaraqat almaǵan.
Jýrnalist Natalia Sadyqovanyń sózinshe, Aidos Sadyqovqa úiiniń mańynda qastandyq jasalǵan.
Aita keteiik, Aidos Sadyqov Ýkrainada resmi bosqyn mártebesin alǵan. 2023 jyldyń qazan aiynda Sadyqovqa Qazaqstanda "áleýmettik, ulttyq, rýlyq, tektik-toptyq nemese dini alaýyzdyqty qozdyrǵany" úshin izdeý jariialanǵan bolatyn.
