ۋكراينانىڭ باس پروكۋراتۋراسى ايدوس سادىقوۆقا قاستاندىق جاسالۋ ٸسٸنە بايلانىستى سوتقا دەيٸنگٸ تەرگەۋدٸ باستادى, - دەپ حابارلايدى Dalanews.kz.
كيەۆ قالالىق پروكۋراتۋراسىنىڭ ٸس جٷرگٸزۋ باسشىلىعىمەن جۋرناليستٸ, قازاقستان ازاماتىن قاساقانا ٶلتٸرۋگە وقتالۋ فاكتٸسٸ بويىنشا سوتقا دەيٸنگٸ تەرگەۋ باستالعان (ۋكراينا قىلمىستىق كودەكسٸنٸڭ 15-بابىنىڭ 2-بٶلٸگٸ, 115-بابىنىڭ 1-بٶلٸگٸ بويىنشا).
پروكۋراتۋرا مەلٸمەتٸنشە, الدىن الا اقپارات بويىنشا,بەلگٸسٸز بٸرەۋ سادىقوۆ پەن ەيەلٸ وتىرعان كٶلٸككە كەلٸپ, قاساقانا وق اتىپ, قاشىپ كەتكەن.
قاستاندىق وقيعاسى كيەۆتٸڭ شەۆچەنكوۆ اۋدانىندا ەرلٸ-زايىپتىلار تۇراتىن ٷيدٸڭ جانىندا بولعان. سادىقوۆ قازٸر اۋرۋحانادا اۋىر جاعدايدا جاتىر.
"قۇقىق قورعاۋ ورگاندارى شابۋىلداۋشىنىڭ جەكە باسىن انىقتاۋ ٷشٸن شارالار قولدانادى. سوتقا دەيٸنگٸ تەرگەۋدٸ كيەۆ قالاسىنداعى ۇلتتىق پوليتسييا باس باسقارماسىنىڭ تەرگەۋشٸلەرٸ جٷزەگە اسىرادى", - دەلٸنگەن حابارلامادا.
ەسكە سالايىق,18 ماۋسىمدا كيەۆتە "باسە" باسىلىمىنىڭ باسشىسى ايدوس سادىقوۆقا قاستاندىق جاسالعان بولاتىن.
بۇل تۋرالى ۋكراينالىق باق-تار حابارلاي باستادى.
"الدىن الا بولجام بويىنشا, كيەۆتە ايدوس سادىقوۆقا قاستاندىق جاسالدى. ول - قازاقستاندىق جۋرناليست, "باسە" وپپوزيتسييالىق ينتەرنەت پورتالىنىڭ باسشىسى. جاعدايى اۋىر", - دەپ جازىلعان "بايراكتار NEWS" تەلەگرام ارناسىندا.
بۇعان دەيٸن تەلەگرام ارنا كيەۆتٸڭ شەۆچەنسكيي اۋدانىندا اتىس بولعانىن جازعان. باسىلىم مەلٸمەتٸنشە, تۇراقتا تۇرعان كٶلٸكتە ەر ادام ەيەلٸمەن وتىرعان. بەلگٸسٸز بٸرەۋ كەلٸپ, ەر ادامدى اتىپ جٸبەرٸپ, قاشىپ كەتكەن. ەيەل ادام جاراقات الماعان.
جۋرناليست ناتاليا سادىقوۆانىڭ سٶزٸنشە, ايدوس سادىقوۆقا ٷيٸنٸڭ ماڭىندا قاستاندىق جاسالعان.
ايتا كەتەيٸك, ايدوس سادىقوۆ ۋكراينادا رەسمي بوسقىن مەرتەبەسٸن العان. 2023 جىلدىڭ قازان ايىندا سادىقوۆقا قازاقستاندا "ەلەۋمەتتٸك, ۇلتتىق, رۋلىق, تەكتٸك-توپتىق نەمەسە دٸني الاۋىزدىقتى قوزدىرعانى" ٷشٸن ٸزدەۋ جارييالانعان بولاتىن.
