Frantsiia Ýkrainaǵa kómek retinde ásker attandyrýy múmkin. Muny el prezidenti Emmanýel Makron joqqa shyǵarmady, - dep habarlaidy Dalanews.kz.
Makron Resei jeńbeýi úshin qoldan kelgenniń bári jasalatynyn aitty.
"Búginde qurlyqtaǵy ásker attandyrý máselesi boiynsha naqty konsensýs joq, biraq ony múlde joqqa shyǵarýǵa da bolmaidy.
Biz Resei jeńbeý úshin qoldan kelgenniń bárin jasaimyz", - dedi Makron Parijde ótken Eýropa elderiniń 20 jetekshisi bas qosqan jiynda. Sammitke AQSh pen Kanada ókilderi de qatysqan.
Makronǵa "Ýkrainaǵa qandai elder ásker attandyrýy múmkin?" degen de suraq qoiyldy. Alaida ol suraqqa naqty jaýap bermei, ázirge "strategiialyq turǵydan ekiushty" jaýapta qala berýdi qalaitynyn jetkizdi.
Sammit Makronnyń usynysy boiynsha ótken bolatyn. Onda Reseidiń Ýkrainadaǵy áskeri qimyldaryna jaýap qarastyrylǵan.
"Resei Ýkrainany ǵana emes, ózge elderdi de basyp alǵysy keledi, sondyqtan úlken qaýip týǵyzyp otyr", - dedi Makron.
Sonymen qatar, Makronnyń sózinshe, Ýkrainaǵa alystan soqqy jasaityn zymyran men bomba jetkizýmen shuǵyldanatyn jańa koalitsiia qurylǵan.
Buǵan deiin Eýroparlament Ýkrainaǵa qoldaý retinde 50 millard eýro berýdi daýystaǵan bolatyn. Depýtattardyń basym kópshiligi bul usynysty qoldady. Eýroparlament resmi saitynda Ýkrainany qoldaitynyn jáne barynsha kómek beretini jazylǵan.
